Ma̱te̱yo̱ 11:21 - Tennet

²¹ “O̱lle̱ cuggo̱k olli Ya̱u̱do̱ o̱rge̱ ci een Korazin ki Betsaida. Ming ogone kaala balik a̱vu̱la̱ o̱rge̱ cunno̱ng ke̱ kize orog ci Tyre ki Sidon wak iróng een Ya̱u̱d, utungtek weda nege ba̱ci̱nno̱k lo̱o̱c kar ki̱ti̱me̱t aburkece, ki̱ye̱lta̱ ming a̱tu̱ nege Ta̱mu̱ta̱dde̱n.

Ma̱te̱yo̱ 11:21 ပူးပေါင်းရင်းမြစ်များ

Ma̱te̱yo̱ 11:22

Abarik zin ka̱nne̱kku̱ng ne, obokce atin lo̱ki̱ke̱ ci Tyre ki Sidon lo̱ki̱ko̱ ci olli Korazin ki Betsaida ming uṯuroi looci.

Ma̱te̱yo̱ 15:21

Utungek zin Ye̱su̱ orog ci een Ga̱li̱li̱ lo̱o̱c kar zin kuk o̱ro̱gjo̱we̱ cik een Tyre ki Sidon.

Ma̱te̱yo̱ 18:7

Kar zin Ye̱su̱ bo̱do̱k kize ne, “O̱lle̱ cik lo̱o̱c cu eci anyike ol kabaccit. Aave ba̱ci̱ to, o̱lle̱ zin cik e̱e̱t wa anyaha ba̱ci̱.

Ma̱te̱yo̱ 26:24

Eci Ngerrti E̱e̱to̱ a̱da̱i̱ atin ki bali ming u̱du̱ya̱i̱ zoz cinne Warage ci Ta̱mu̱ta̱dde̱no̱. O̱lle̱ bai atin cik e̱e̱t ci adawa Ngerrti E̱e̱to̱, agano weda ming iróng enne a̱rri̱ta̱i̱!”

Marko 3:8

Ma baling iziyyet nege kaal cik ogon Ye̱su̱ ko̱ do̱o̱k, i̱vi̱tta̱k ol cik meelek lo̱o̱ce̱ ci Ju̱de̱ya̱ ki orog ci Jerusalemi ko̱ nonno. A̱vvu̱ ol bo̱do̱k lo̱o̱ce̱ ci Idumea, ki lo̱o̱cco̱k cik ti̱ti̱me̱ ci moro ci Jordani ki o̱ro̱gjo̱k cik een Tyre ki Sidon.

Marko 6:45

Ataman niko anyik Ye̱su̱ nuyak waginnek koot i̱ba̱ kar koot o̱o̱we̱ cinne o̱rge̱ ci een Betsaida ngati ngen enne azan koole balik a̱vvu̱na̱k nogo ke̱.

Marko 7:24

Utungek Ye̱su̱ ngin neci lo̱o̱c kar kuk o̱rge̱ ci een Tyre. I̱tto̱ zin enne ce̱e̱z iróng orong e̱e̱t imma ka̱gga̱; i̱vi̱ta̱ ol a̱gga̱c ming aave enne orgato.

Marko 7:31

Utungek Ye̱su̱ orog ci een Tyre kar kuk kiyok o̱rge̱ ci een Sidon, kozoro kuk nyatapare ci een Ga̱li̱li̱, kuluce rok o̱ro̱gjo̱k cik een omoto azi zara Dikapolis.

Marko 8:22

I̱vi̱tta̱k zin ciko Ye̱su̱ ki demezyak orog ci een Betsaida, anyakttak zin ol uggak Ye̱su̱ e̱e̱t ci ru̱be̱ni̱ abunna okko enne atadek nonno a̱zzi̱t kar kalawek Ta̱mu̱ta̱dde̱n kangaru nonno.

Lu̱ka̱ 4:26

Abarik iróng da̱ E̱li̱ja̱ i̱tto̱na̱i̱ rok nogo, a̱kku̱na̱k ngaa ci boye o̱rge̱ ci een zara Zarephath abak lo̱o̱ce̱ ci Sidoni.

Lu̱ka̱ 6:17

Uluce enne uk lo̱o̱ta̱ ngatinne̱ng kar kibil ngati een buur. Aavtte da̱ to̱ni̱a̱ha̱ ciginnek cik meelek nginati ki ol cik meelek cik a̱vvu̱ lo̱o̱ce̱ ci Ju̱de̱ya̱ veelek, ki Jerusalema, ki o̱ro̱gjo̱we̱ cik Tyre ki Sidon, aavtte ti̱ti̱me̱ ci nyatapar ci a̱ddi̱ki̱re̱,

Lu̱ka̱ 9:10

Baling i̱mi̱rrte̱ to̱ni̱a̱ha̱, u̱du̱kta̱k zin Ye̱su̱ kaal cik u̱tu̱gu̱zzo̱ nege do̱o̱k. Uwe zin Ye̱su̱ nogo kar koot nege do̱ rok orog ci een zara Betsaida,

Kaviyak wak Abunna Ta̱mu̱ta̱dde̱no̱ eher Joni 1:44

Een Vilipi e̱e̱t ci orog ci een Betsaida, e̱e̱ggi̱n ciko Andereya ki Peturu cik orog neci bu̱k.

Kaviyak wak Abunna Ta̱mu̱ta̱dde̱no̱ eher Joni 12:21

I̱vi̱tta̱k zin Vilip, e̱e̱t ci a̱kku̱ o̱rge̱ ci een zara Betsaida lo̱o̱ce̱ ci Ga̱li̱li̱, kar zin ki̱jji̱nne̱t nonno, kizettek ne, “Nger, korongnya kicinnta Ye̱su̱.”

Buk wa To̱ni̱a̱u̱ 12:20

Iróng bali He̱ro̱di̱ ki olli Tyre ki Sidon abak ju̱rru̱m; i̱vi̱ta̱ ol kar ka̱vvu̱to̱ ki nonno nga̱to̱de̱. Baling ovvo nege a̱gga̱wo̱ ki Blastus wa een du̱ca̱i̱t ci alaano, kar zin nege ki̱jji̱nne̱t zoz ci anyaha gano, eci nege i̱ri̱yo̱ gon lo̱o̱c ci He̱ro̱di̱.

Buk wa To̱ni̱a̱u̱ 27:3

Imma i̱i̱te̱n ci reng ka̱ra̱yya̱ naga orog ci een Sidon; kar Juliusi bunnate cinne aanyik Pa̱u̱lo̱ kuk ki̱vo̱n gonoggi abunna ming anyik kaal cik orong enne.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.

O̱no̱zzo̱k 11:3

Aim atin ol rama wak e̱e̱ggi̱n bbacak cigannik ko̱ ru̱u̱ma̱ni̱ cik zorzorik, kanyike atin anna nogo doiz ci ovvo atin nege uwahek ol kaviyak cigannik gwo̱o̱nya̱ i̱bbo̱ng co̱de̱ ki obet rama ki moten torkonom (1,260).”

O̱no̱zzo̱k 6:12

Kicina anna ming u̱du̱l enne mutulac ci een torkonom. Anyak zin ki̱rki̱ri̱k ci a̱ppwe̱ oroot. Utuhuwe i̱i̱ ize gi̱da̱ng u̱tu̱gu̱ kiwagon zolomonti, utuhuwe zin nyelowi kize ma̱ri̱k kiwagon bi̱ye̱ta̱,