Ma̱te̱yo̱ 11:19 - Tennet

¹⁹ Imma anna Ngerrti E̱e̱to̱, kadakce, kaude ki ol do̱o̱k, kar ol kizeto ne, ‘Een e̱e̱ti̱ cu elemnyoit kar bo̱do̱k kize bba̱kco̱i̱t, een gonen ki ol wak aluta mucuru ki olli mu̱nye̱nu̱.’ A̱gga̱ ol genyiz de̱de̱ go̱o̱le̱ ci ogone enne kaal.”

Ma̱te̱yo̱ 11:19 ပူးပေါင်းရင်းမြစ်များ

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Lu̱ka̱ 14:1

Imma I̱i̱te̱ne̱ wa Yu̱bze̱nto̱ co̱de̱, baling okko da̱ Ye̱su̱ da̱i̱ne̱t ce̱e̱ze̱ ci e̱e̱t ci Varacisi a̱ddi̱ki̱re̱, egelem da̱ ol nonno oroot.

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 7:29

Baling iziyyet ol do̱o̱k, rok ol wak a̱gga̱ma̱ mucuru olle ko̱ zoz ci Ye̱su̱, elemtta de̱de̱ ming ilem gool ci Ta̱mu̱ta̱dde̱no̱, eci Jon Ba̱ti̱ti̱mo̱ ba̱li̱ye̱ ci a̱gga̱me̱k nogo ba̱ti̱ti̱mo̱.

Kaviyak wak Abunna Ta̱mu̱ta̱dde̱no̱ eher Joni 2:2

Awa da̱ ol Ye̱su̱ ki nuyak waginnek bu̱k rucente neci.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

O̱no̱zzo̱k 7:12

izeto ne, “Een enne de̱de̱! Kinnatit Manyi kar bo̱do̱k ki̱di̱ngdi̱nga̱ni̱t nonno anyak enne genyiz ki zany ki ngo̱li̱ne̱t ki doiz, eci enne ize Ta̱mu̱ta̱dde̱n cinna udut. Een enne de̱de̱!”