Ma̱te̱yo̱ 11:11 - Tennet

¹¹ Ka̱du̱wa̱kku̱ng zoz ci een de̱de̱, okko olle ne̱k balik a̱rri̱ta̱ ngaai ko̱ veelek, i̱llo̱i̱ e̱e̱t ci ommog Jon wa a̱gga̱me̱k ol ba̱ti̱ti̱mo̱; abarik e̱e̱ti̱ ci een vu̱rru̱t ba̱a̱li̱nte̱ ci ta̱mu̱-kengo i̱ki̱ya̱ ommog nonno.

Ma̱te̱yo̱ 11:11 ပူးပေါင်းရင်းမြစ်များ

Ma̱te̱yo̱ 11:10

Ozoz Ta̱mu̱ta̱dde̱n zoz cinne Warage ci Ta̱mu̱ta̱dde̱no̱ azi ne: “‘Ki̱tto̱nni̱ atin anna to̱na̱i̱t cinanni ki̱ki̱ya̱ o̱o̱we̱ cunne, nonno ci okko atin adiman gool o̱o̱we̱ cunne.’

Ma̱te̱yo̱ 11:12

Imma i̱i̱nya̱we̱ balik ngen Jon Ba̱ti̱ti̱mo̱ aruge ke̱ rok i̱yo̱ko̱, okko ba̱a̱li̱ne̱t ci ta̱mu̱-kengo oowa no̱ngi̱tto̱ne̱, ovvo ol cik jo̱o̱re̱ttu̱ orong ovvoye i̱ba̱ti̱ne̱.

Ma̱te̱yo̱ 3:1

Ma bali i̱nya̱we̱ ne̱ke̱, uwahek Joni Ba̱ti̱ti̱mo̱ ol zoz ci Ta̱mu̱ta̱dde̱no̱ balale ci gi̱da̱ngi̱, Ju̱de̱ya̱kte̱ ke̱,

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Ma̱te̱yo̱ 5:19

“Ming utuburtu gi̱i̱ imma co̱de̱ lo̱ti̱nno̱we̱ ne̱k riilik ko̱, kar abarik edemezit ol kaal u̱gge̱ cik gerzek, ovvo atin e̱e̱ggi̱nnu̱ vu̱rrti̱ ba̱a̱li̱nte̱ ci ta̱mu̱-kengo.

Lu̱ka̱ 1:15

okko atin enne a̱ddi̱ki̱re̱ o̱to̱ne̱ ci Manyi. Iróng atin enne aud merte icima kaal cik amukcari, aave atin Vongizi ci A̱li̱le̱ ki nonno ti̱ra̱nta̱.

Lu̱ka̱ 7:28

Ka̱du̱wa̱kku̱ng anna i̱ge̱ta̱, ovvo zin olle ne̱k a̱rri̱ta̱ ngaai ko̱, i̱llo̱i̱ e̱e̱t imma ci ommog Jon; okko e̱e̱ti̱ ci een vu̱rru̱t ba̱a̱li̱nte̱ ci Ta̱mu̱ta̱dde̱no̱ ci a̱ddi̱ki̱re̱ kommog nonno.”

Lu̱ka̱ 9:48

Kar enne kizek nogo ne, “Ming elema e̱e̱ti̱ imma do̱le̱c cidici ko̱ zare cigannik, elemna enne annita; kar e̱e̱ti̱ ci elemanna annita ko̱, elemna enne e̱e̱t wa i̱tto̱na̱na̱ annita bu̱k. Eci e̱e̱ti̱ cidici orgene cunno̱ng, nonno ci a̱ddi̱ki̱re̱ kommog veelek.”

Kaviyak wak Abunna Ta̱mu̱ta̱dde̱no̱ eher Joni 1:15

U̱du̱wa̱ Joni zoz cinne, ize ne, “Een e̱e̱ti̱ cu e̱e̱t bali ka̱du̱wa̱kku̱ng kazi ne ‘A̱kku̱ atin vu̱rrte̱ cinanni, ommogja annita eci nonno ci a̱ddi̱ki̱re̱ ngatinanni.’”

Kaviyak wak Abunna Ta̱mu̱ta̱dde̱no̱ eher Joni 1:27

A̱kku̱ atin enne vu̱rrte̱ cinanni, ommogja enne annita, iróng wo̱ye̱ anna ke̱e̱ni̱ du̱ca̱i̱t cinne.”

Kaviyak wak Abunna Ta̱mu̱ta̱dde̱no̱ eher Joni 10:41

I̱vi̱tta̱k zin ol cik meelek nonno, kar kizeto ne, “Ngen Joni ku̱tu̱gu̱ kaal cik a̱vu̱la̱, imma zoz ci a̱du̱wa̱ enne obod ki e̱e̱t cu een de̱de̱.”

Kaviyak wak Abunna Ta̱mu̱ta̱dde̱no̱ eher Joni 3:30

Okko enne een e̱e̱t ci a̱ddi̱ki̱re̱, imma anna ke̱e̱ni̱ idica.

Kaviyak wak Abunna Ta̱mu̱ta̱dde̱no̱ eher Joni 5:35

Ogon ba̱li̱ye̱ Joni ki urez ci ataran lo̱o̱c, kar zin niga elemtau arrak urez neci do̱yo̱i̱t.”

Kaviyak wak Abunna Ta̱mu̱ta̱dde̱no̱ eher Joni 7:39

Ozoz keng ci zoz necu zoz ci Vongizo, Vongiz ci atin aruba ol wak a̱tu̱ nonno; eci ngen Vongizi kanyozik ol, ngen li̱ngli̱ngo̱ni̱ ci Ye̱su̱ ki̱di̱ngdi̱nga̱ne̱.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 6:4

I̱yo̱ko̱ zin, ming anyakku dango zo̱ze̱ ci ogon niko, nya ming ovvoyyu niga zoz necu rok ol wak iróng a̱tu̱ zoz ci Ta̱mu̱ta̱dde̱no̱ ju̱rru̱m ko̱?

Evesos 2:3

Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

2 Ti̱mo̱te̱yo̱ 1:10

Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

1 Peturu 1:10

Imma zo̱ze̱ ci ti̱ri̱ze̱ne̱t necu, ozozit a̱ri̱tto̱wa̱ uggak zoz ci de̱ti̱ne̱t ci atin anyonikkung, orong zi̱nze̱tti̱ ecito idic.