Ma̱te̱yo̱ 10:28 - Tennet

²⁸ Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 10:28 ပူးပေါင်းရင်းမြစ်များ

Ma̱te̱yo̱ 10:26

“Ma o̱ngo̱o̱li̱nnu̱ e̱e̱t imma. I̱llo̱i̱ gi̱i̱ imma ci a̱lu̱gnye̱ ci iróng atin i̱ye̱la̱i̱, icima a̱da̱ye̱ ci iróng atin amudai.

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Kaviyak wak Abunna Ta̱mu̱ta̱dde̱no̱ eher Joni 5:29

kar zin kiyokta ilomete. Ingazi ol wak a̱da̱i̱to̱ u̱tu̱gu̱zzo̱ ju̱rru̱m kuruget udut, imma ol wak u̱tu̱gu̱zzo̱ kaal cik gerzek ingazi daiza kar Ta̱mu̱ta̱dde̱n ketted lo̱ki̱ko̱ cinne̱ng.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

I̱bu̱ru̱ 11:35

Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

Je̱mi̱s 4:12

Anyak e̱e̱t co̱de̱ ṯok, Ta̱mu̱ta̱dde̱n ci aanyik ol lo̱ti̱nno̱k kar ketted lo̱ki̱ko̱, nonno do̱ ci uule ki̱ti̱ri̱z kar kidita ol do̱o̱k. Abarik, e̱e̱ni̱ i̱nna̱ ngene kar ettedik e̱e̱t ci diiri lo̱ki̱ko̱ ko̱?

1 Peturu 3:14

Ma wo̱ye̱ nu̱nu̱n ming apirnannu ngati ogonnu kaal cik abunna, ngen zin abarik Ta̱mu̱ta̱dde̱n a̱ma̱yu̱kku̱ng. “Ma o̱ngo̱o̱li̱nnu̱ zoz imma icima i̱no̱nnu̱ zoz ci ogonekku̱ng ol kaal cik gerzek.”

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.