Ma̱te̱yo̱ 10:22 - Tennet

²² Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 10:22 ပူးပေါင်းရင်းမြစ်များ

Ma̱te̱yo̱ 10:39

Ming orong e̱e̱ti̱ kuzute ruget cinne do̱ ki̱zzi̱ Ta̱mu̱ta̱dde̱n to, iróng enne azunne de̱de̱, ming okoloz baiz zo̱ze̱ cinanni, amuda atin.

Ma̱te̱yo̱ 24:13

Ma̱i̱je̱ e̱e̱ti̱ ci abile ju̱rru̱m tu̱we̱nta̱, a̱ti̱ri̱z atin Ta̱mu̱ta̱dde̱n nonno.

Ma̱te̱yo̱ 24:9

“Kar zin atin ol kecebtung i̱ge̱t, a̱gi̱ddu̱ng kar ku̱ru̱ktu̱ng a̱da̱i̱to̱. Amarinnung atin ol lo̱o̱co̱we̱ do̱o̱k zo̱ze̱ cinanni.

Ma̱te̱yo̱ 5:11

“U̱mu̱yu̱ng zin Ta̱mu̱ta̱dde̱n i̱ge̱ta̱ ol wak odomnyung ol, a̱gi̱ddu̱ng ol kar ogonekku̱ng kaal cik lo̱rye̱nta̱k zo̱ze̱ cinanni.

Marko 13:13

Amarinnung atin ol do̱o̱k zo̱ze̱ cinanni, imma e̱e̱ti̱ ci abile kokkom, amuda atin ti̱ri̱ze̱ne̱t ci Ta̱mu̱ta̱dde̱no̱.

Lu̱ka̱ 21:17

Amarinnung atin ol i̱ge̱t do̱o̱k zo̱ze̱ cinanni.

Lu̱ka̱ 21:19

Okko zo̱ze̱ ci abilnnu niga ju̱rru̱m, amudannu atin niga ruget.”

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Kaviyak wak Abunna Ta̱mu̱ta̱dde̱no̱ eher Joni 17:14

Ku̱du̱wa̱ha̱ nogo zoz cunne abarik zin ol wak iróng a̱tu̱we̱ lo̱o̱ta̱ ngatu, amartoi nogo, ma̱rri̱t nege e̱e̱ggi̱n ol wak a̱tu̱we̱, iróng ngen e̱e̱ggi̱n olli lo̱o̱tu̱, ki i̱yo̱ko̱ anna ming iróng ngen ke̱e̱ni̱ ci lo̱o̱tu̱ ko̱.

Kaviyak wak Abunna Ta̱mu̱ta̱dde̱no̱ eher Joni 7:7

Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

2 Ko̱ri̱nto̱ 4:11

Ming ngen karuge nu̱nu̱n, ka̱gga̱ ka̱ru̱we̱ atin eci kedemez zoz ci obod ki Ye̱su̱. Aanyyet Ta̱mu̱ta̱dde̱n kipirta abunna ming acin ol ngen Ye̱su̱ aruge e̱le̱tti̱ne̱ cik atin a̱da̱i̱ ko̱.

Ga̱la̱ti̱a̱ 6:9

Ma arnannu ngati ogonnu zoz ci abunna. Ming emenannu li̱ngli̱ngo̱ne̱ ci Ta̱mu̱ta̱dde̱no̱, amuccu̱ng atin Ta̱mu̱ta̱dde̱n i̱i̱te̱ne̱ ci a̱gga̱ enne.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

I̱bu̱ru̱ 6:11

Korongnya naga i̱ge̱t do̱o̱k abunna ming emenannu go̱o̱le̱ necu kar u̱mu̱dda̱ kaal wak odolta zi̱nze̱tti̱ cuggo̱k.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Jon 3:13

Gotonogga tu̱we̱nta̱, ma a̱ku̱le̱kku̱ je̱e̱n, ming amarinnung ol cik lo̱o̱tu̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:26

Imma e̱e̱ti̱ ci anime no̱ngi̱tto̱n kar ku̱tu̱gu̱ zoz cinanni udut, kanyike atin anna nonno doiz ci abale lo̱o̱cco̱k do̱o̱k.

O̱no̱zzo̱k 2:3

Inimttu niga no̱ngi̱tto̱n zo̱ze̱ ci zar cigannik, iróng zin niga apirnannu zo̱ze̱ necu.

O̱no̱zzo̱k 2:7

Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.