Ma̱te̱yo̱ 10:19 - Tennet

¹⁹ Abarik ming arikkung e̱e̱ti̱ imma lagam, ma o̱ngo̱o̱li̱nnu̱ gi̱i̱ imma, icima anyakku i̱no̱ni̱ zo̱ze̱ ci ovvo atin a̱du̱wa̱nnu̱. Imma i̱i̱te̱ne̱ neci, anyonikkung zoz ci ovvo atin niga a̱du̱wa̱nnu̱.

Ma̱te̱yo̱ 10:19 ပူးပေါင်းရင်းမြစ်များ

Lu̱ge̱z 4:12

I̱yo̱ko̱ bito; keelani atin anna i̱nne̱t kar abunna ozozi kar ke̱de̱me̱zi̱ zoz ci okko atin i̱nna̱ a̱du̱wa̱.”

Lu̱ge̱z 4:15

Abunna ming ozozik nonno zoz ci okko enne a̱du̱wa̱; keelannung atin anna i̱ge̱t do̱o̱k kar atin kedemezteung gi̱i̱ ci ovvo niga ogonnu.

Ma̱te̱yo̱ 10:18

Ovvo atin nege a̱gi̱ddu̱ng ovvoyyung alaate ki ol wak iróng een Ya̱u̱d zo̱ze̱ cinanni, kar u̱du̱kta̱k nogo zoz ci tu̱we̱ne̱t cunno̱ng.

Ma̱te̱yo̱ 6:25

“I̱yo̱ko̱ zin ka̱du̱wa̱kku̱ng, ma o̱ngo̱o̱li̱nnu̱ zoz ci obod ki ruget cunno̱ng, icima i̱no̱nnu̱ nya ci adakku icima ci auddu; icima zoz ci e̱le̱tti̱ cuggo̱k, aimnyu atin nya. Ma dim rugeti iróng riil kommog da̱i̱ne̱t, okko ele riil kommog ru̱u̱ma̱ni̱?

Ma̱te̱yo̱ 6:31

“Ma zin anyikku zi̱nze̱tti̱ kibilet je̱e̱na̱, a̱nnu̱ ne ‘Kadak atidic naga nya?’ Icima ‘Kaud atidic naga nya?’ Icima ‘Kaimnya atin naga nya?’

Ma̱te̱yo̱ 6:34

I̱yo̱ko̱ zin, ma anyikku zi̱nze̱tti̱ kibilet zo̱ze̱ ci lo̱ze̱ti̱nu̱, okko atin zoz ci lo̱ze̱ti̱nu̱ edeca ele manyi. Anyak i̱i̱te̱ni̱ do̱o̱k kaal cigge̱k.

Lu̱ka̱ 12:11

“Ming anyaktaung ol i̱ge̱t Ce̱e̱zi̱ cik Lawinto, ngati aavtte alaata ki lo̱ddi̱ki̱re̱ cik gaalau, ma o̱ngo̱o̱li̱nnu̱ zoz ci ovvo atin niga a̱du̱wa̱nnu̱ eelannu e̱le̱tti̱ cuggo̱k,

Lu̱ka̱ 12:12

eci Vongizi ci A̱li̱le̱ edemezekung atin i̱ge̱t zoz ci a̱du̱wa̱nnu̱ niga.”

Buk wa To̱ni̱a̱u̱ 6:10

abarik iróng nege uule ka̱da̱ngi̱t nonno zo̱ze̱ ci genyizo ki Vongiz ci A̱li̱le̱ ozoze enne ko̱.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.