Ma̱te̱yo̱ 10:17 - Tennet

¹⁷ Igenyit zin olle wak ovvoyyung atin lo̱ki̱ka̱ kar kecebtung lagama kar ki̱bi̱ccu̱ng Ce̱e̱zi̱nne̱ wak Lawinto alutene nege.

Ma̱te̱yo̱ 10:17 ပူးပေါင်းရင်းမြစ်များ

Ma̱te̱yo̱ 10:18

Ovvo atin nege a̱gi̱ddu̱ng ovvoyyung alaate ki ol wak iróng een Ya̱u̱d zo̱ze̱ cinanni, kar u̱du̱kta̱k nogo zoz ci tu̱we̱ne̱t cunno̱ng.

Ma̱te̱yo̱ 20:19

Kar zin nege ka̱gga̱mte̱ya̱ annit ol wak iróng een Ya̱u̱d, kar atin nege komomoztan, bak a̱ru̱ka̱ kar zin kotodoyya keet ci een ta̱la̱ke̱c. Imma i̱i̱nya̱we̱ cik een i̱i̱yo̱ kingazi atin anna daiza dee!”

Ma̱te̱yo̱ 23:34

Ki̱tto̱na̱kku̱ng a̱ri̱tto̱k wak zoz ci Ta̱mu̱ta̱dde̱no̱ ki ol wak egenyi ki de̱me̱zzo̱k. A̱ru̱kku̱ atin niga u̱gge̱ ka̱da̱i̱to̱ kar ododek ta̱la̱ke̱c; kar atin bo̱do̱k u̱ru̱we̱t u̱gge̱ Ce̱e̱zi̱nne̱ wak Lawinto, aliyanu nogo o̱ro̱gjo̱we̱.

Ma̱te̱yo̱ 26:59

Imma alaata cik olli wawaco ki ol cik lo̱ki̱ko̱ do̱o̱k orong kurubta zoz ci een volong, kar zin koot ku̱ru̱we̱t Ye̱su̱ ka̱da̱k.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 13:12

“Adawa atin gotoniya gotoni ka̱da̱k, kar be̱e̱ti̱ ollu adawa ngerinne ka̱da̱k. A̱ku̱l atin dooli o̱o̱tti̱ iróng ngen aziye zoz cik e̱e̱ti̱gge̱k ki be̱e̱ti̱gge̱k kar ku̱ru̱we̱t ciko baatinne ka̱da̱i̱to̱.

Marko 13:9

“Abunna zin niga bu̱k ming ebekku e̱le̱tti̱. A̱gga̱mnyu̱ng atin ol ovvoyyung lo̱ki̱ka̱ kar kecebtung Ce̱e̱zi̱nne̱ wak Lawinto. Imma zo̱ze̱ cinanni, ovvo atin niga abilnnu ngati ddi̱ki̱ryyo̱k ki alaat ibbaceku zoz cinanni nogo.

Lu̱ka̱ 12:11

“Ming anyaktaung ol i̱ge̱t Ce̱e̱zi̱ cik Lawinto, ngati aavtte alaata ki lo̱ddi̱ki̱re̱ cik gaalau, ma o̱ngo̱o̱li̱nnu̱ zoz ci ovvo atin niga a̱du̱wa̱nnu̱ eelannu e̱le̱tti̱ cuggo̱k,

Kaviyak wak Abunna Ta̱mu̱ta̱dde̱no̱ eher Joni 11:47

U̱tu̱ya̱ zin alaata cik olli wawaco ki Varacis zu̱we̱ ro̱ni̱ ci lo̱ki̱ko̱. Kar kizeto ne, “Ku̱tu̱gu̱z nya? U̱tu̱gu̱ e̱e̱ti̱ necu kaal cik a̱vu̱la̱ meelek giir.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Buk wa To̱ni̱a̱u̱ 17:14

I̱tto̱ni̱t ol wak a̱tu̱we̱ ko̱ Pa̱u̱lo̱ ku̱lu̱ce̱ kunu liil ci a̱ddi̱ki̱re̱ ti̱ti̱m, imma Silas ki Ti̱mo̱te̱yo̱ irahek Bereakte.

Buk wa To̱ni̱a̱u̱ 22:19

“Kobodek anna nonno, ‘Manyi, a̱gga̱ ol ciko zoz bali kokkoye anna Ce̱e̱zi̱nne̱ wak Lawinto kar keceb kar bo̱do̱k ku̱ru̱k ol wak a̱tu̱yi̱ i̱nne̱ta̱.

Buk wa To̱ni̱a̱u̱ 26:11

Kokko anna Ce̱e̱zi̱nne̱ wak Lawinto odohize eci korongi ol ke̱de̱zi̱t nogo. Kadangek nogo abunna atizik zar cik Manyi Ye̱su̱. Ka̱bu̱ri̱ bali anna nong oroot, kokko gon anna rok lo̱o̱cco̱k cik i̱do̱ngi̱nnu̱ kokko ka̱gi̱di̱ nogo.

Buk wa To̱ni̱a̱u̱ 9:2

kar ki̱jji̱n waraga ci i̱tto̱ni̱k lo̱ddi̱ki̱re̱ cik aavtte o̱rge̱ ci een zara Damascus, kar abunna ming amuda enne ngaai icima odot cik annu zoz ci Manyi Ye̱su̱, okko enne okkoye nogo lagama Jerusalema.

Vilipia 3:2

Egenyyit ngati ol cik gerzek ogon kiwagon urzi. Ogon nege mu̱nye̱n, irez te̱di̱ne̱t vi̱ca̱vi̱cce̱t cik ollu azi ne abunna ming amuda e̱e̱ti̱ ti̱ri̱ze̱ne̱t.

2 Ti̱mo̱te̱yo̱ 4:15

Zuute ele cunne, eci enne adang zoz ci kuwaheka ol ko̱ oroot.

I̱bu̱ru̱ 11:36

Atararte ol u̱gge̱ kar ki̱bi̱cce̱t bo̱i̱ci̱ a̱lle̱ne̱. Eceb u̱gge̱ zo̱o̱ lagama.