Ma̱te̱yo̱ 10:16 - Tennet

¹⁶ “Ki̱tto̱nnu̱ng anna i̱ge̱t kiwagon a̱zza̱ cik ajalik ol zari orgene ci u̱du̱ma̱nnu̱. Abunna ming egenyyu kiwagon uwat, abunna bo̱do̱k ming e̱e̱ggi̱nnu̱ gunune kiwagon lu̱be̱nya̱.

Ma̱te̱yo̱ 10:16 ပူးပေါင်းရင်းမြစ်များ

Kananet 3:1

Bali eenycane Manyi Ta̱mu̱ta̱dde̱n elegje do̱o̱k ke̱, egenyi da̱ uwat oroot kar kize labjoit. I̱ki̱ya̱ uwat i̱jji̱n ngaa a̱nne̱k ne, “Ma dim da̱ Ta̱mu̱ta̱dde̱n a̱nne̱kku̱ng ne, ‘Ma adakku o̱ya̱u̱ ne̱k keen wak aavtte manatoto ko̱ do̱o̱k’?”

Kananet 3:13

Iizek zin Manyi Ta̱mu̱ta̱dde̱n ngaa ne, “Nya ming ogoni niko ko̱?” O̱bo̱de̱k zin bo̱do̱k ngaa Ta̱mu̱ta̱dde̱n a̱nne̱k ne, “Uwat ci alabekan kar kadak o̱ya̱u̱ cik keet neci.”

Ma̱te̱yo̱ 24:25

Izikto ju̱rru̱m, ku̱du̱wa̱u̱ng anna ming ngen zoz neci ki̱ki̱ya̱.

Ma̱te̱yo̱ 24:45

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?

Ma̱te̱yo̱ 25:2

Imma zin doolinne ne̱ke̱, tarbale cik een tu̱r, ovvo cik een tu̱r egenyi.

Ma̱te̱yo̱ 25:4

Ma̱i̱je̱ dooli cik egenyi een tu̱r ko̱ ovvoye maal jirkinyai ki lombonya.

Ma̱te̱yo̱ 25:9

“O̱bo̱dde̱k zin gonogga nogo, a̱nne̱k ne, ‘Iróng naga kanyaka maal ci eleno ki agit veelek. Abarik oot ngati ol wak gon utene maal kar ataltta maal nginati.’

Lu̱ka̱ 10:3

Oto! Ki̱tto̱nnu̱ng anna i̱ge̱ta̱ kiwagon nyoona orgene ci ol cik ogon ki gu̱zu̱le̱.

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

Buk wa To̱ni̱a̱u̱ 20:29

Ka̱gga̱ anna niko ming kutungeung anna i̱ge̱t lo̱o̱c, anyak atin ol cik gerzek ogon kiwagon gu̱zu̱le̱ ovvo atin ottok ol cik ke̱le̱ci̱e̱ ci Ta̱mu̱ta̱dde̱no̱.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

2 Ko̱ri̱nto̱ 8:20

Korongnya kilita ol cik ovvo adangnyeta go̱o̱le̱ ci ka̱gga̱mnya̱ naga muci ciko.

Vilipia 2:15

kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.

Kolosiya 1:9

Imma zin zo̱ze̱ necu, baling kizikta zoz cunno̱ng, ngen naga kibilizta lawinet Ta̱mu̱ta̱dde̱n zo̱ze̱ cunno̱ng kar ka̱a̱nyu̱ng genyiz ci Vongizo ki gga̱wa̱ne̱t zoz.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 2:10

E̱e̱ggi̱nnu̱ niga ki Ta̱mu̱ta̱dde̱n bu̱k bbacak go̱o̱le̱ ci abunna ka̱li̱ngli̱ngnya̱ naga kaal ne̱ko̱, baling elemttau zoz ci Ye̱su̱ kabaito bu̱k ke̱, kabaka go̱o̱le̱ ci atali Ta̱mu̱ta̱dde̱n, i̱llo̱i̱ rok ba̱ci̱.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.