Marko 9:50 - Tennet

⁵⁰ “Abunna mile, ma̱i̱je̱ ming amaktal, adiman wo̱ye̱ e̱e̱ti̱ kize mile bo̱do̱k ku̱? Anyait mediz ci milo e̱le̱tti̱ne̱ cuggo̱k, kar a̱vvu̱t labak ki ol do̱o̱k.”

Marko 9:50 ပူးပေါင်းရင်းမြစ်များ

Ma̱te̱yo̱ 5:13

“Ogonnu niga ki mile ci lo̱o̱tu̱, ma̱i̱je̱ ming amaktali mile, iróng ngen emede. Kogon bo̱do̱k wo̱ye̱ kize mile ku̱, kar kemed? Iróng bo̱do̱k ngen abunna gi̱i̱ye̱ emani, agano ming a̱ju̱ko̱ni̱k tu̱ kar kimice ol.

Marko 9:34

Abarik ijaktte li̱i̱m ma̱rri̱t goola wanai adangonu ngene ci anyak ddi̱ki̱rze̱t.

Marko 9:49

Atiman atin Ta̱mu̱ta̱dde̱n ol gwo̱o̱ya̱ ki i̱yo̱ko̱ ming adiman ol balang itala.

Roma 12:18

Itimanit ju̱rru̱m gool ci abakku ki ol do̱o̱k yahe.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

Kolosiya 4:6

Ming ozozonnu ki ol, aanycik zo̱zzo̱k cuggo̱k kizeto zo̱zzo̱k cik abunna atalne ol, kar wo̱ye̱ niga a̱gga̱c gool ci abarizekku ol do̱o̱k.

1 Te̱se̱lo̱ni̱ka̱ 5:13

Eci ogonekku̱ng kaal cik abunna, o̱to̱ngo̱o̱ltte̱ nogo kar irezzit nogo oroot. Abait bo̱do̱k labak.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

Je̱mi̱s 1:20

eci mozinet ci e̱e̱to̱, iróng anyaha bunnat ci orong Ta̱mu̱ta̱dde̱n ko̱.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.