Marko 9:31 - Tennet

³¹ eci enne edemez nuyak ciginnek. Izek zin enne nogo ne, “Ovvo atin ol adawa Ngerrti E̱e̱to̱ kar kanyozik azzine cik ol cik diirik. A̱ru̱k atin nege nonno, imma i̱i̱nya̱we̱ cik een i̱i̱yo̱ ingazi atin enne daiza.”

Marko 9:31 ပူးပေါင်းရင်းမြစ်များ

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 26:2

“Eci niga a̱gga̱yyu̱ akate atin I̱i̱te̱n wa Va̱rda̱ngi̱nto̱, ming kedecca naga i̱i̱nya̱ rama, kar anna Ngerrti E̱e̱to̱ adawana atin ol annita kar kotodoyang annit keet wa een ta̱la̱ke̱c.”

Ma̱te̱yo̱ 27:63

Izeto ne, “Ddi̱ki̱ryo̱i̱t, ka̱a̱da̱nna̱ zoz bali azi volongnyoiti baling ngen aruge, azi ne, ‘Ming edeccai i̱i̱nya̱ cik een i̱i̱yo̱, kingazi atin dee daiza.’

Marko 10:34

Aranne atin ol ne̱ke̱ nonno, uurtek amut, a̱bbi̱c a̱lle̱ne̱, kar ku̱ru̱we̱t ka̱da̱k. Imma i̱i̱nya̱we̱ cik een i̱i̱yo̱ ingazi atin enne daiza.”

Marko 8:31

Akate zin Ye̱su̱ edemez demezyak zoz ci azi ne apirna atin Ngerrti E̱e̱to̱ kaale cik meelek kar lo̱ddi̱ki̱re̱ kutuburret nonno, alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱, a̱ru̱we̱ atin enne ka̱da̱k kar kitinga daiza kurug i̱i̱nya̱we̱ cik een i̱i̱yo̱.

Marko 9:12

Abariz zin Ye̱su̱ zoz neci: “Een de̱de̱, a̱kku̱ E̱li̱ja̱ arrak, kar kidiman kaal do̱o̱k. Nya zin ming e̱he̱rye̱ azi ne apirna atin Ngerrti E̱e̱to̱, kar kutubure ko̱?

Lu̱ka̱ 24:26

Iróng een Ki̱ri̱sto̱ ci apirna zo̱ze̱ ci kaal ne̱ko̱ kar ki̱tto̱ di̱ngdi̱ngo̱n cinne?”

Lu̱ka̱ 9:44

“Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Kaviyak wak Abunna Ta̱mu̱ta̱dde̱no̱ eher Joni 10:18

I̱llo̱i̱ e̱e̱t ci okkoye ruget ngatinanni. Annit do̱ ci kanyike ele cinanni daiz. Kanyike anna ele daiz zinine cinanni. Kanyai doiz ci kanyike ele cinanni, kanyai doiz ci ka̱mi̱re̱ne̱ ele cinanni. Een zin icu zoz ci erecaneka Baba annit kar ku̱tu̱gu̱.”

Kaviyak wak Abunna Ta̱mu̱ta̱dde̱no̱ eher Joni 2:19

O̱bo̱de̱k zin Ye̱su̱ nogo, a̱nne̱k ne, “I̱li̱bbe̱t Ce̱e̱z wa Ta̱mu̱ta̱dde̱no̱, kar zin anna keteny bo̱do̱k i̱i̱nya̱we̱ cik een i̱i̱yo̱.”

Kaviyak wak Abunna Ta̱mu̱ta̱dde̱no̱ eher Joni 3:14

I̱i̱ri̱m ba̱li̱ye̱ Musesi balala keeta uwat ci adimanai zu̱rte̱nta̱, okko atin Ngerrti E̱e̱to̱ i̱i̱ri̱mze̱ keeta niko bu̱k,

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.