Marko 8:38 - Tennet

³⁸ Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Marko 8:38 ပူးပေါင်းရင်းမြစ်များ

Ma̱te̱yo̱ 12:39

O̱bo̱de̱k zin Ye̱su̱ nogo, a̱nne̱k ne, “A̱jji̱n ol wak mu̱nye̱nu̱ ming kogonni anna kaal cik a̱vu̱la̱! I̱llo̱i̱ atin gi̱i̱ imma ci ki̱ye̱le̱ke̱ nogo kize gi̱i̱ ci ogon a̱ri̱to̱i̱ti̱ ci een Jonah do̱ niko.

Ma̱te̱yo̱ 13:41

Okko atin Ngerrti E̱e̱to̱ i̱tto̱n anjilonya waginnek ta̱mu̱-kenga, ovvo atin aluta ol ba̱a̱li̱nte̱ cinne wak ogon kaal wak gerzek mu̱nye̱nu̱ do̱o̱k.

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 16:4

Orong bu̱u̱l ci gerze mu̱nye̱nu̱ ko̱ kicinnet kaal cik a̱vu̱la̱, i̱llo̱i̱ atin gi̱i̱ imma ci a̱vu̱la̱ ci ki̱ye̱le̱ku̱ng, acin atin nege a̱bi̱ce̱c ci Jonah do̱.” Kar zin enne kutungek nogo lo̱o̱c uk ngamani.

Ma̱te̱yo̱ 24:30

“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Marko 13:26

“Kar zin i̱i̱te̱n neci acin atin ol Ngerrti E̱e̱to̱ ming a̱kku̱ di̱i̱zo̱ca̱ komize ci a̱ddi̱ki̱re̱ ki di̱ngdi̱ngo̱n.

Marko 14:62

O̱bo̱de̱k zin Ye̱su̱ nonno, a̱nne̱k ne, “I̱i̱ny, Ke̱e̱ni̱, acinni atin Ngerrti E̱e̱to̱ ming aave a̱tte̱ ci a̱zzo̱ Ta̱mu̱ta̱dde̱no̱, kar atin ki̱ki̱ya̱ di̱i̱zo̱ca̱ ta̱mu̱-kenga.”

Marko 8:37

Icima, adima wo̱ye̱ e̱e̱ti̱ ci diiri nya karagiz ruget cinne?

Lu̱ka̱ 19:26

“O̱bo̱de̱k zin bo̱do̱k alaani nogo, a̱nne̱k ne, ‘Ka̱du̱wa̱kku̱ng anna, ngati e̱e̱t imma ci anyak la̱du̱n, anyonik atin nonno, ma̱i̱je̱ ngati e̱e̱t ci iróng anyak gi̱i̱ imma, a̱gga̱mnya̱i̱ atin ngatinne rok ne̱k anyak enne ke̱.

Lu̱ka̱ 9:26

Ming adak a̱li̱ya̱ni̱ e̱e̱t zo̱ze̱ cinanni, okko atin Ngerrti E̱e̱to̱ bu̱k adak a̱li̱ya̱ni̱ zo̱ze̱ cinne ming i̱ki̱ya̱k enne di̱ngdi̱ngo̱n cinne ki di̱ngdi̱ngo̱n ci Baatinne ki anjilonya cik a̱li̱le̱.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 12:34

O̱bo̱dde̱k zin koole nonno, izettek ne, “Kizikta ba̱li̱ye̱ lo̱ti̱nno̱we̱ azi ne okko atin Ki̱ri̱sto̱ aruge udut. Azi zin bo̱do̱k i̱nna̱ ne ‘Okko atin Ngerrti E̱e̱to̱ odongnye kuk ta̱mu̱-kenga ku̱’? Ma dim ngene ci een ‘Ngerrti E̱e̱to̱’?”

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Ga̱la̱ti̱a̱ 6:14

Imma ngatinanni, iróng anna kodongi ele gi̱i̱ye̱ emani, daiz ci Manyi Ye̱su̱ Ki̱ri̱sto̱ keete wa een ta̱la̱ke̱c do̱ niko ci ka̱gga̱. Eci zo̱ze̱ ci a̱da̱kne̱ enne keete wa een ta̱la̱ke̱c, iditai zin zoz ci irez zinin cinanne, kar bo̱do̱k zoz ci lo̱o̱tu̱ kiditai ngatinanni.

1 Te̱se̱lo̱ni̱ka̱ 2:19

Eci nya ci karike naga zi̱nze̱tti̱, ki talninet cinna, icima luluk ci alaanzetu ci atin kovvo naga ka̱di̱ngdi̱nga̱ne̱ Manyitinna Ye̱su̱ ming okko enne a̱kku̱? Iróng een i̱nne̱ta̱?

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

I̱bu̱ru̱ 11:16

Abarik nege orong orog ci riili aave ta̱mu̱-kenga, iróng zin a̱li̱ya̱ni̱ a̱da̱k Ta̱mu̱ta̱dde̱n ming awu nege nonno Ta̱mu̱ta̱dde̱n cinne̱ng, eci adimanek nogo orog ta̱mu̱-kenga.

I̱bu̱ru̱ 11:26

Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.

I̱bu̱ru̱ 13:13

I̱yo̱ko̱ zin, koo ku̱ru̱mtte̱k nonno gool reena, kar kozolit zoz ci uunyanne ol nonno.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Jon 2:23

Ming abure e̱e̱ti̱ Ngerinne, abure enne Baatinne bu̱k. Ming elemi e̱e̱ti̱ Ngerinne, elemi enne Baatinne bu̱k.

1 Jon 2:28

Dooli wagannik tu̱we̱nta̱, urumet zi̱nze̱tti̱ ciggo̱k nga̱to̱de̱ ki Ki̱ri̱sto̱. Kar ming okko enne obodak lo̱o̱c, karike naga nonno zi̱nze̱tti̱ de̱de̱, iróng atin a̱li̱ya̱ni̱ adaketa.

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.