Marko 4:24 - Tennet

²⁴ Emena Ye̱su̱ zoza dee, “I̱no̱n ju̱rru̱m zoz ci aziyi i̱nna̱, gool ci i̱ya̱be̱ i̱nna̱, i̱ya̱bzo̱ni̱ki̱ atin i̱nne̱t bu̱k, icima kize a̱ppwa̱ kommog necu.

Marko 4:24 ပူးပေါင်းရင်းမြစ်များ

Ma̱te̱yo̱ 7:2

Ogon zin niko bu̱k, go̱o̱le̱ ci apahek i̱nna̱ ol ba̱ci̱ ko̱, okko atin Ta̱mu̱ta̱dde̱n apaheki i̱nne̱t bu̱k ba̱ci̱ cunne niko. Okko atin enne ogoniki i̱nne̱t bu̱k kaal balik ogonik i̱nna̱ ol ke̱.

Marko 9:7

I̱ki̱ya̱ zin di̱i̱zo̱ci̱ imma kar ku̱bu̱ng nogo, iyowa zin mului di̱i̱zo̱ca̱: “Een necu Ngeranni wa kirezi. Iziyyet zoz cinne!”

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

Kaviyak wak Abunna Ta̱mu̱ta̱dde̱no̱ eher Joni 10:16

Kanyai eeza u̱gge̱ cik iróng e̱e̱ggi̱n cik bo̱ngi̱t cu. Korongi kanyaha nogo bu̱k bo̱ngi̱t cu. Aziye atin nege bu̱k muluk cinanni kar kurumte nga̱to̱de̱ kar bo̱do̱k kodowe tuwayoiti.

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Kaviyak wak Abunna Ta̱mu̱ta̱dde̱no̱ eher Joni 5:25

Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

2 Ko̱ri̱nto̱ 9:6

A̱a̱dda̱ zoz cu: Ming eev e̱e̱ti̱ ma̱na̱ cidici, okko etteda atin labi cikidik, ma̱i̱je̱ e̱e̱ti̱ ci eev ma̱na̱ ci a̱ddi̱ki̱re̱, etteda atin labi cik meelek.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.