Marko 14:49 - Tennet

⁴⁹ Kaavtte anna ki i̱ge̱t odohize, kedemze reena Ce̱e̱ze̱ wa Ta̱mu̱ta̱dde̱no̱, iróng da̱ niga ecebjang nya? Abunna Waraga ci Ta̱mu̱ta̱dde̱no̱ ming akati mo̱o̱le̱t.”

Marko 14:49 ပူးပေါင်းရင်းမြစ်များ

Ma̱te̱yo̱ 1:22

Imma zin go̱o̱le̱ necu niko, akat zoz ci Manyi ko̱ mo̱o̱le̱t go̱o̱le̱ bali a̱du̱wa̱ne̱ a̱ri̱tto̱wa̱ cik zoz ci Ta̱mu̱ta̱dde̱no̱ ke̱,

Ma̱te̱yo̱ 26:54

Ming ku̱tu̱gu̱ anna niko, akati wo̱ye̱ zoz ci Ta̱mu̱ta̱dde̱no̱ e̱he̱rye̱ Warage cinne azi ne, ogonika ol annit ko̱ mo̱o̱le̱t ku̱?”

Ma̱te̱yo̱ 26:55

Iizek zin Ye̱su̱ koole ne, “Ke̱e̱ni̱ anna ddi̱ki̱ryo̱i̱t ci kokkoye ol zara koorto ki gaala, a̱vvu̱nnu̱ ilanyai ki co̱o̱li̱te̱ ovvo a̱gga̱mnya̱ng annita? Kaave gon anna odohize reene ci Ce̱e̱z wa Ta̱mu̱ta̱dde̱no̱, kedemze, ngen zin a̱gga̱mta̱ng.

Ma̱te̱yo̱ 26:56

A̱vvu̱ kaala ne̱ko̱ do̱o̱k abunna zoz bali ozoz a̱ri̱tto̱wa̱ Warage ci Ta̱mu̱ta̱dde̱no̱ ke̱ kakat mo̱o̱le̱t.” Kar zin nuyaha do̱o̱k ko̱do̱te̱k nonno lo̱o̱c kar ki̱vi̱re̱t.

Marko 10:1

Imma vu̱rrta̱, utungek Ye̱su̱ orog ci een zara Kapernaum lo̱o̱c. Uk zin enne o̱to̱ne̱ ci je̱e̱ni̱ rok lo̱o̱c ci ol cik een zara Ju̱de̱ya̱, kar zin kuzuca orog ci aave moro ci Jordani o̱to̱ne̱ ci je̱e̱ni̱. Eci wagon a̱vvu̱na̱k ol cik meelek nonno, edemez zin enne nogo.

Marko 11:27

A̱ra̱yya̱ zin nege bo̱do̱k Jerusalem dee, baling ngen Ye̱su̱ owo reena Ce̱e̱ze̱ wa Ta̱mu̱ta̱dde̱no̱, i̱vi̱tta̱k zin nonno alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱ ki lo̱ddi̱ki̱re̱.

Marko 12:35

Baling ngen Ye̱su̱ edemze reena Ce̱e̱ze̱ wa Ta̱mu̱ta̱dde̱no̱, i̱jji̱n zin enne ol, izek ne, “Azi gon de̱me̱zzo̱wa̱ wak lo̱ti̱nno̱u̱ ne een Ki̱ri̱sto̱ ngerrti Da̱vi̱de̱ ku̱?

Marko 14:48

A̱nne̱k zin Ye̱su̱ nogo ne, “A̱vvu̱nnu̱ niga ilanyai ki u̱lu̱kwa̱ ovvo a̱gga̱mnya̱ng kiwagon e̱e̱ti̱ ci egerzan lo̱o̱c?

Marko 14:50

I̱vi̱re̱t zin demezyaha cik Ye̱su̱, utungtek nonno lo̱o̱c do̱.

Lu̱ka̱ 19:47

Kar enne odohize kedemezo Ce̱e̱ze̱ wa Ta̱mu̱ta̱dde̱no̱. Imma zin alaata cik olli wawaco ki de̱me̱zzo̱k wak lo̱ti̱nno̱k wak Musesi ki lo̱ddi̱ki̱re̱ wak Ya̱u̱da̱k orongit ku̱ru̱we̱t nonno ka̱da̱k.

Lu̱ka̱ 22:37

E̱he̱rye̱ Warage ci Ta̱mu̱ta̱dde̱no̱, ‘I̱ti̱gi̱lte̱k ol nonno ki olli mu̱nye̱nu̱.’ Ka̱du̱wa̱kku̱ng anna i̱ge̱ta̱ ogone atin kaala ne̱ko̱ ngatinanni. De̱de̱ zoz ci e̱he̱rye̱ zo̱ze̱ cinanni ki̱ki̱ya̱ zin akat mo̱o̱le̱t.”

Kaviyak wak Abunna Ta̱mu̱ta̱dde̱no̱ eher Joni 10:23

A̱li̱ngli̱ng da̱ Ye̱su̱ ca̱a̱to̱ Ce̱e̱ze̱ wa Ta̱mu̱ta̱dde̱no̱, ojongoz ngin wa een baali ci Solomoni.

Kaviyak wak Abunna Ta̱mu̱ta̱dde̱no̱ eher Joni 18:20

Obodehe Ye̱su̱ nonno izek ne, “Kozozi gon zoz cinanni kiziyet ol do̱o̱k i̱i̱wa̱ labak, kar zin gon kedemez ol Ce̱e̱ze̱ wa Ta̱mu̱ta̱dde̱no̱ ki Ce̱e̱zi̱nne̱ wak Lawinto wak gon alutene olli Ya̱u̱do̱ nga̱to̱de̱. A̱zze̱ zoz ci ka̱du̱wa̱ lo̱mu̱k to.

Kaviyak wak Abunna Ta̱mu̱ta̱dde̱no̱ eher Joni 7:37

Baling okko een i̱i̱te̱n ci a̱ddi̱ki̱re̱ kar kedecai kwo̱o̱r, ibil Ye̱su̱ je̱e̱na̱ kar kozoz muluwe ci a̱bu̱le̱, azi ne, “Ming anyak e̱e̱t ci a̱ru̱k koor, anyik ki̱ki̱ya̱n kar kuude.

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Kaviyak wak Abunna Ta̱mu̱ta̱dde̱no̱ eher Joni 8:2

Obodak bo̱do̱k zin enne re̱e̱nu̱n ci Ce̱e̱z wa Ta̱mu̱ta̱dde̱no̱ nge̱rre̱t ingani ri̱ri̱wo̱na̱; i̱vi̱tta̱k zin ol nonno, a̱vvu̱ zin lo̱o̱ta̱ kar kedemez nogo.