Marko 11:14 - Tennet

¹⁴ Kar zin enne kizek keet ne, “Maya ming iróng e̱e̱ti̱ imma adak o̱ya̱u̱ cigunnek udut.” Iziyyet zin da̱ nuyaha ciginnek nonno ming a̱du̱wa̱ zoz neci.

Marko 11:14 ပူးပေါင်းရင်းမြစ်များ

Ma̱te̱yo̱ 21:19

Baling icin enne keet ci een munec aave gool abanyca, uk zin enne orong kar kicin ming anyak muneci neci o̱ya̱u̱ u̱gge̱ cik a̱bbi̱re̱, abarik amuda een varany do̱. Kar zin enne kizek keet neci ne, “Ma ngen okoli bo̱do̱k o̱ya̱u̱ u̱gge̱ dee!” Ataman niko odok keet neci kak.

Ma̱te̱yo̱ 21:33

U̱du̱wa̱k zin bo̱do̱k Ye̱su̱ nogo tubzenet ci azi ne, “I̱yo̱ko̱ ijaktte da̱, iziyyet tubzenet cu, arirek da̱ e̱e̱ti̱ imma ma̱na̱ cinne keen cik een vi̱no̱, idimanek luwat ku̱lu̱c, kar kidiman nginti ogone ol merte kar bo̱do̱k keteny ce̱e̱z ci anyak le̱be̱le̱ ci ebehe ol ngin neci kar zin kutungek ol u̱gge̱ kar ku̱lu̱k kuk o̱rge̱ emani.

Ma̱te̱yo̱ 21:44

Ming i̱i̱na̱k e̱e̱ti̱ bee neci, a̱du̱le̱ atin enne, ma̱i̱je̱ e̱e̱ti̱ ci i̱i̱na̱k bee nonno a̱du̱le̱ atin.”

Ma̱te̱yo̱ 3:10

E̱re̱ye̱ melei egeroi ju̱rru̱m kar ketengedak keen cik iróng a̱bbi̱rna̱ o̱ya̱u̱ cik abunna, kar ku̱ju̱kto̱zi̱k gwo̱o̱.

Ma̱te̱yo̱ 7:19

Imma zin keena wak iróng a̱bbi̱rna̱ o̱ya̱u̱ cik abunna, ettedak ol tu̱ kar kokolttek gwo̱o̱.

Marko 11:13

Icin enne keet ci een munec varany, uk zin orong kicin ming anyak o̱ya̱u̱. Baling uzuca enne keet, amuda i̱llo̱i̱ gi̱i̱ imma, eci iróng een nye̱lo̱k ci a̱bbi̱rne̱ keet neci.

Marko 11:15

Baling uzuca nege Jerusalem, i̱tto̱ zin Ye̱su̱ re̱e̱nu̱n ci Ce̱e̱z wa Ta̱mu̱ta̱dde̱no̱ kar zin kottok ol wak utene kaal nginati. Uubek lebelet wak evetek nege o̱ro̱bi̱ya̱ ke̱ lo̱o̱c ki lecerwa wak ol wak utene loberuknya,

Kaviyak wak Abunna Ta̱mu̱ta̱dde̱no̱ eher Joni 15:6

Ming iróng e̱e̱ti̱ imma arumonika annit, ogon enne ki alawoci ci u̱ju̱ko̱zi̱k tu̱ kar zin kodok. Idimttai alawo ne̱ko̱, u̱lu̱to̱zi̱k kar zin kutuzze gwo̱o̱ya̱.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

O̱no̱zzo̱k 22:11

Anyik e̱e̱t ci gon ogon kaal cik gerzek kemedak ku̱tu̱gu̱ kaal cik gerzek; ma e̱e̱ti̱ ci mu̱nye̱nu̱, anyik nonno kemedak mu̱nye̱n; anyik e̱e̱t ci ogon kaal cik abunna kemeda ku̱tu̱gu̱ kaal cik abunna; imma e̱e̱ti̱ ci a̱li̱le̱, anyik nonno kemeda kabak baiz ci a̱li̱le̱.”