Ka̱du̱wa̱kku̱ng zin zoz cu: Ming oog e̱e̱ti̱ ngaa cinne kar ki̱ti̱k ngaa imma, ogon ki e̱e̱ti̱ ci orooto ki ngaa ci e̱e̱to̱. Oog wo̱ye̱ e̱e̱ti̱ ngaa cinne ming orooto ki e̱e̱t imma.”
“Ming oog e̱e̱ti̱ imma ngaa cinne kar zin kuruca ngaa imma, a̱wu̱l enne ngaa cinne, kar bo̱do̱k e̱e̱ti̱ ci a̱ti̱k ngaa ci oog mac cinne, a̱wu̱l enne mac cinne.
Ming okko enne arume ki e̱e̱t imma ming ngen e̱e̱ti̱ cinne aruge, orooto enne ki e̱e̱t neci. Abarik ming a̱da̱k mac, iróng wo̱ye̱ lo̱ti̱nno̱wa̱ alam nonno, a̱ti̱k wo̱ye̱ e̱e̱ti̱ imma nonno labak.
Iróng ele ci ngaawo een cinne do̱, een ci e̱e̱t cinne bu̱k. Ogon bo̱do̱k ci maci niko, iróng ele ci e̱e̱t ci maci een ele cinne do̱, een ci ngaa cinne bu̱k.
Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.