Lu̱ka̱ 9:48 - Tennet

⁴⁸ Kar enne kizek nogo ne, “Ming elema e̱e̱ti̱ imma do̱le̱c cidici ko̱ zare cigannik, elemna enne annita; kar e̱e̱ti̱ ci elemanna annita ko̱, elemna enne e̱e̱t wa i̱tto̱na̱na̱ annita bu̱k. Eci e̱e̱ti̱ cidici orgene cunno̱ng, nonno ci a̱ddi̱ki̱re̱ kommog veelek.”

Lu̱ka̱ 9:48 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 18:14

Ogon zin bo̱do̱k niko ngatinna, iróng Baatunne ta̱mu̱-kenga orong do̱le̱c co̱de̱ ṯok ki̱zzi̱ doolinne cik cikidik ko̱.”

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Ma̱te̱yo̱ 25:45

“Kar atin enne kobodek nogo, azi ne, ‘Ka̱du̱wa̱kku̱ng zoz ci een de̱de̱, ming aburnnu niga iróng eelannu gotonogga ki ngonogga cik iróng ol edeconik ko̱, aburnnu niga iróng eelannang annita.’

Marko 9:37

“Ming ivata e̱e̱ti̱ imma do̱le̱c cidici zare cigannik, ivatana enne annita; ming a̱gga̱ma̱na̱ e̱e̱ti̱ imma annita, iróng a̱gga̱ma̱na̱ annit abarik a̱gga̱ma̱ e̱e̱t bali i̱tto̱na̱na̱ annita ke̱.”

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Lu̱ka̱ 14:11

Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Lu̱ka̱ 22:26

Ma̱i̱je̱ niga iróng ogonnu niko. Abarik e̱e̱ti̱ ci a̱ddi̱ki̱re̱ ngatinno̱ng, abunna ming ogon ki do̱le̱c cidici, okko e̱e̱ti̱ ci abal ol orgene cunno̱ng, anyik ku̱tu̱gu̱ ki du̱ca̱i̱ti̱ cunno̱ng.

Lu̱ka̱ 22:30

kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.

Lu̱ka̱ 7:28

Ka̱du̱wa̱kku̱ng anna i̱ge̱ta̱, ovvo zin olle ne̱k a̱rri̱ta̱ ngaai ko̱, i̱llo̱i̱ e̱e̱t imma ci ommog Jon; okko e̱e̱ti̱ ci een vu̱rru̱t ba̱a̱li̱nte̱ ci Ta̱mu̱ta̱dde̱no̱ ci a̱ddi̱ki̱re̱ kommog nonno.”

Kaviyak wak Abunna Ta̱mu̱ta̱dde̱no̱ eher Joni 13:20

Ka̱du̱wa̱kku̱ng zoz ci een de̱de̱, ming elem e̱e̱ti̱ e̱e̱t ci ki̱tto̱nna̱ anna, elemnya annita, ming elemnya e̱e̱ti̱ imma annita, elemi enne bu̱k e̱e̱t bali i̱tto̱na̱na̱ annita ke̱.”

Kaviyak wak Abunna Ta̱mu̱ta̱dde̱no̱ eher Joni 14:21

Ming a̱gga̱m e̱e̱ti̱ zoz cinanni, kar zin bo̱do̱k kuzute lo̱ti̱nno̱k ne̱ke̱, ireza e̱e̱ti̱ neci annita. Irez atin Baba e̱e̱t neci ireza annit ke̱, kar zin bo̱do̱k anna kirez nonno kar zin ki̱ye̱le̱k ele ka̱gga̱wa̱n.”

1 Te̱se̱lo̱ni̱ka̱ 4:8

Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.

1 Peturu 5:6

I̱yo̱ko̱ zin, abunna ming o̱ngo̱o̱li̱nnu̱ Ta̱mu̱ta̱dde̱n doize wainne ko̱ do̱o̱k, kar ming okko enne oboda, kar ki̱ti̱ri̱zzu̱ng.

O̱no̱zzo̱k 21:14

Okko a̱lu̱wa̱ ci orog ci a̱ddi̱ki̱re̱ eenyce lo̱o̱ta̱ biyene cik i̱ti̱re̱ne̱ e̱e̱ggi̱n omoto ki rama, e̱he̱rye̱ zin zara cik to̱ni̱a̱k cik Nyoono omoto ki rama.

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.