Lu̱ka̱ 9:20 - Tennet

²⁰ I̱jji̱n zin bo̱do̱k enne nuyak ciginnek a̱nne̱k ne, “Ma̱i̱je̱ ngatinno̱ng, ke̱e̱ni̱ anna ngene?” O̱bo̱de̱k zin Peturu nonno, “E̱e̱ni̱ i̱nna̱ Ki̱ri̱sto̱ bali i̱tto̱na̱ Ta̱mu̱ta̱dde̱n.”

Lu̱ka̱ 9:20 ပူးပေါင်းရင်းမြစ်များ

Ma̱te̱yo̱ 22:42

“I̱no̱nnu̱ niga nya zo̱ze̱ ci Ki̱ri̱sto̱? Een enne ngerrti ngene?” Izettek zin nonno ne, “Een Ki̱ri̱sto̱ Ngerrti Da̱vi̱de̱!”

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Ma̱te̱yo̱ 5:47

Ming izayu niga gonoggu do̱ niko, nya ci abunna oroot zo̱ze̱ necu? Iróng zoz ci gon ogon ol wak iróng a̱tu̱ Ta̱mu̱ta̱dde̱n necu?

Marko 14:61

Abarik Ye̱su̱ ijahe li̱i̱m, i̱llo̱i̱ rok gi̱i̱ ci abarizi. I̱jji̱n zin bo̱do̱k alaani ci a̱ddi̱ki̱re̱ wawaco nonno, a̱nne̱k ne, “E̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱ wa U̱mu̱yu̱we̱?”

Marko 8:29

I̱jji̱n bo̱do̱k Ye̱su̱ nogo, izek ne, “I̱no̱nnu̱ niga ke̱e̱ni̱ anna ngene?” Abarizek Peturu nonno, “E̱e̱ni̱ i̱nna̱ Ki̱ri̱sto̱ wa atahala Ta̱mu̱ta̱dde̱n.”

Lu̱ka̱ 22:67

I̱jji̱nne̱t zin nege nonno, “Ming e̱e̱ni̱ i̱nna̱ Ki̱ri̱sto̱, du̱wa̱kke̱ta̱.” Abarizek zin Ye̱su̱ nogo, “Ming ka̱du̱wa̱kku̱ng anna i̱ge̱ta̱, iróng atin niga a̱tu̱yya̱ng,

Lu̱ka̱ 9:19

O̱bo̱dde̱k zin nege, “Azi ol uggak ne Jon Ba̱ti̱ti̱mo̱; ovvo uggak azi ne E̱li̱ja̱; kar uggak kizeto ne a̱ri̱to̱i̱t co̱de̱ bali reeni ci i̱ki̱ya̱ obodak ruget.”

Kaviyak wak Abunna Ta̱mu̱ta̱dde̱no̱ eher Joni 1:41

Een zoz ci orong Andereya arrak oowa, orong kuruba gotoni wa een Si̱mo̱ne̱, kar ku̱du̱wa̱k nonno kizek ne, “Kurubta Missaya wa een Ki̱ri̱sto̱ wa bali atahalai.”

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 11:27

Izek Marta Ye̱su̱ ne, “I̱i̱ny Manyi, kelemna anna e̱e̱ni̱ i̱nna̱ Ki̱ri̱sto̱ wa bali atahalai, Ngerrti Ta̱mu̱ta̱dde̱no̱ wa bali azi ne a̱kku̱nna̱k atin lo̱o̱c.”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 4:29

“I̱vi̱ta̱ icinnet e̱e̱t ci a̱du̱wa̱ka̱ kaal balik ku̱tu̱gu̱ anna ke̱. Iróng i̱yo̱ko̱ enne een Ki̱ri̱sto̱?”

Kaviyak wak Abunna Ta̱mu̱ta̱dde̱no̱ eher Joni 4:42

Izettek zin ol ne̱ke̱ ngaa neci ne, “Iróng naga ka̱tu̱we̱nna̱ zo̱ze̱ wanai a̱du̱wa̱ i̱nna̱ ke̱ do̱. Kizikta zoz cinne naga e̱le̱tti̱ne̱, ka̱gga̱yya̱ niko ming een e̱e̱ti̱ cu de̱de̱ Ti̱ri̱zo̱i̱t ci lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 7:41

Ovvo ol uggak azi ne, “Een e̱e̱ti̱ cu Ki̱ri̱sto̱ bali atahalai kize Ti̱ri̱zo̱i̱t.” Ovvo uggak a̱jji̱nne̱ azi ne, “A̱kku̱ wo̱ye̱ Ki̱ri̱sto̱ Ti̱ri̱zo̱i̱ti̱ lo̱o̱ce̱ ci een Ga̱li̱li̱ ku̱?

Buk wa To̱ni̱a̱u̱ 17:3

oobek nogo pirnanet ci Ki̱ri̱sto̱ ki nginti okko enne ingazi daiza. A̱nne̱k nogo ne, “Ye̱su̱ ci ka̱du̱wa̱kku̱ng anna ko̱, een enne Ki̱ri̱sto̱.”

Buk wa To̱ni̱a̱u̱ 8:36

Ma baling ngen nege owo ke̱, u̱mu̱dda̱ maam u̱gge̱, kar zin e̱e̱ti̱ ci Ethiopio kize ne, “Cinno, maam iciko, ma wo̱ye̱ ming a̱gga̱me̱ka̱ ba̱ti̱ti̱mo̱?”

Buk wa To̱ni̱a̱u̱ 9:22

Anyak Sauli komiz ci uwahe zoz ci Ta̱mu̱ta̱dde̱no̱ ka̱ma̱li̱ltte̱ o̱o̱tti̱ cik Ya̱u̱d wak abak Damascusa eci Sauli azi ne, een Ye̱su̱, Ki̱ri̱sto̱.

1 Jon 5:1

Ming a̱tu̱ e̱e̱ti̱ imma zoz ci azi ne Ye̱su̱ ci een Ki̱ri̱sto̱, een enne do̱le̱c ci Ta̱mu̱ta̱dde̱no̱. Ming irez e̱e̱ti̱ imma Be̱e̱ti̱nna̱ wa een Ta̱mu̱ta̱dde̱n, irez enne dooli ciginnek bu̱k.