Lu̱ka̱ 8:31 - Tennet

³¹ Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

Lu̱ka̱ 8:31 ပူးပေါင်းရင်းမြစ်များ

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Lu̱ka̱ 8:28

Baling icin enne Ye̱su̱, u̱tu̱lu̱ kar zin ku̱yu̱we̱ zoone ciginnek, egereny muluwe ci a̱ppwe̱ oroot, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa aave Ta̱dde̱na̱? Kilaleki anna i̱nne̱ta̱, ma edeza annita!”

Lu̱ka̱ 8:32

Anyak da̱ batakwa cik meelek ege biya abanyca. Ilalttek zin kuulo ne̱ke̱ Ye̱su̱ abunna ming anyik nogo ki̱tto̱zo̱ batakwa ne̱ke̱, elema zin Ye̱su̱.

Roma 10:7

“Icima ‘Ngene ci atin okko todowai lo̱o̱ta̱ mininge kar kitingawe nonno daiza kurug?’” (Een necu kar e̱e̱ti̱ kanyaha Ki̱ri̱sto̱ todowai kurug)

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 9:11

Anyak nege alaan ci abal nogo een anjilo ci a̱kku̱ lo̱o̱we̱ neci wu̱u̱ni̱ ke̱, een zara ciginnek utuge ci olli I̱bu̱ru̱ ko̱ ne Abaddon, kar utuge ci Gi̱ri̱yo̱ een zara Apollyon.