Lu̱ka̱ 8:24 - Tennet

²⁴ Oot zin nuyaha i̱ti̱ngka̱c nonno, kar zin kizettek ne, “Manyi, Manyi, koot naga kutududdewa!” Itinga zin enne je̱e̱na̱ kar kegerenyek ngoot ki maam cik apalpalane ko̱; i̱mi̱re̱ zin tawani ize idica, kar ka̱vvu̱ dee.

Lu̱ka̱ 8:24 ပူးပေါင်းရင်းမြစ်များ

Ma̱te̱yo̱ 14:30

Abarik baling icin Peturu ngoot, o̱to̱ngo̱o̱le̱ zin kar ki̱tto̱ maam idic idic, u̱tu̱lu̱ zin egereny, “Manyi eelawan!”

Ma̱te̱yo̱ 8:25

Oot zin nuyaha i̱ti̱ngka̱c nonno, a̱nne̱k ne, “Manyi, eelaweta adudutet atidic maama i̱yo̱ko̱ niko!”

Marko 4:39

Itinga enne je̱e̱na̱, egerenyek ngoot kar kizek tawan ne, “A̱vvu̱ dee! Bil dee!”

Lu̱ka̱ 4:35

Egereny zin Ye̱su̱ oroot, “I̱nna̱ jahe li̱i̱m! Iyowa zin i̱nna̱ re̱e̱nu̱n ngatinne!” Ovocce zin kuuloci ci lo̱rye̱nto̱ e̱e̱t neci lo̱o̱c kicinnet ol veelek, kar zin kiyowa labak ngati iróng bu̱k egerzan nonno.

Lu̱ka̱ 4:39

U̱lu̱le̱ zin enne ngatinne kar kottok a̱bu̱re̱z neci, kar morizi kutungek nonno lo̱o̱c. Itinga zin enne lak co̱de̱ ere nogo.

Lu̱ka̱ 5:5

O̱bo̱de̱k zin Si̱mo̱ne̱ nonno, “Ddi̱ki̱ryo̱i̱t, ki̱li̱ngli̱ngta̱ naga oroot kaal, ngen ka̱gga̱mta̱ gi̱i̱ imma. Abarik eci a̱du̱wa̱ i̱nna̱ ko̱, ka̱ju̱ke̱k atidic imutuk kuk maame lo̱o̱ta̱.”

Lu̱ka̱ 8:25

I̱jji̱n zin enne nuyak ciginnek, “Aave tu̱we̱ne̱t cinno̱ng nga?” Kar ngati o̱ngo̱o̱li̱nne̱ nege eci zoz ci a̱ku̱le̱k nege je̱e̱n ko̱, i̱jji̱nto̱ zin nege do̱ e̱le̱tti̱ne̱, “Ngene dim icu? Abiliz enne rok ngoot ki maam cik apalpalane, kar nege kiziyet zoz cinne.”