Lu̱ka̱ 7:37 - Tennet

³⁷ Baling izik ngaa ci da̱ abak mu̱nye̱ne̱ o̱rge̱ neci ming aave Ye̱su̱ adakce ce̱e̱ze̱ ci Varaciso, anyaha zin enne gi̱i̱ ci ogon ki de̱e̱re̱ ci anyak maal ci ongooli laala,

Lu̱ka̱ 7:37 ပူးပေါင်းရင်းမြစ်များ

Ma̱te̱yo̱ 21:31

I̱jji̱n Ye̱su̱ nogo, azi ne, “I̱yo̱ko̱ zin, do̱le̱c jang ci ogon zoz ci a̱du̱wa̱ baatinne?” O̱bo̱dde̱k zin nege, “Do̱le̱c wa oowu.” Oobek zin Ye̱su̱ nogo ungec ci zozo: Azi ne, “Ka̱du̱wa̱kku̱ng zoz ci een de̱de̱, i̱i̱zo̱ atin ol wak a̱gga̱ma̱ ol mucuru o̱ro̱gjo̱we̱ ki a̱li̱ya̱k, ba̱a̱li̱ne̱t ci Ta̱mu̱ta̱dde̱no̱ o̱o̱we̱ cunno̱ng.

Lu̱ka̱ 18:13

“Ma̱i̱je̱ e̱e̱ti̱ wa aluta mucuru olle ko̱, ibil reena. Iróng enne bu̱k acin ta̱mu̱-keng, abarik akati culum kar kize ne, ‘Ta̱mu̱ta̱dde̱n, inya annit deten, e̱e̱t ci mu̱nye̱nu̱.’

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 5:30

Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Lu̱ka̱ 5:32

Iróng anna ka̱kku̱ni̱ kar ki̱ki̱ya̱ kutu ol wak abunna, abarik ka̱kku̱na̱k ol wak mu̱nye̱nu̱ kar ki̱vi̱ta̱ kuturta mu̱nye̱n cigge̱k.”

Lu̱ka̱ 7:34

A̱kku̱ Ngerrti E̱e̱to̱ adakce, aude, kar niga izet ne, ‘Een enne elemnyoit kar bo̱do̱k kize bba̱kco̱i̱t, een enne gonen ki ol wak aluta mucuru olle ki olli mu̱nye̱nu̱.’

Lu̱ka̱ 7:36

I̱yo̱ko̱ utu e̱e̱ti̱ co̱de̱ ci Varacisi Ye̱su̱ rok ce̱e̱z cinne ki̱ki̱ya̱ kadaho ce̱e̱ze̱ cinne, uk zin enne rok ce̱e̱z ci Varaciso kar ka̱vvu̱to̱ ngati da̱i̱nto̱.

Kaviyak wak Abunna Ta̱mu̱ta̱dde̱no̱ eher Joni 9:24

U̱tu̱ya̱ bo̱do̱k lak ram e̱e̱t bali a̱rri̱ta̱i̱ kize ru̱be̱n ke̱, kar zin kizeto ne, “Anyik Ta̱mu̱ta̱dde̱n zany, ka̱gga̱yya̱ een e̱e̱ti̱ ci oo ebere cigunnek ko̱ een e̱e̱t ci mu̱nye̱nu̱.”

Kaviyak wak Abunna Ta̱mu̱ta̱dde̱no̱ eher Joni 9:31

Ka̱gga̱ ri̱t naga niko iróng Ta̱mu̱ta̱dde̱n aziye zoz ci e̱e̱t ci mu̱nye̱nu̱. Aziye enne zoz ci e̱e̱t ci ala nonno kar bo̱do̱k ku̱tu̱gu̱ kaal cik orong Ta̱mu̱ta̱dde̱n nonno ku̱tu̱gu̱.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Peturu 4:18

ki i̱yo̱ko̱ “Ming okkomi ngati ol wak abunna kar kurubta ti̱ri̱ze̱ne̱t, ogon ucca ngati ol wak abure Ta̱mu̱ta̱dde̱n ki ol wak mu̱nye̱nu̱ ku̱?”