Lu̱ka̱ 7:29 - Tennet

²⁹ Baling iziyyet ol do̱o̱k, rok ol wak a̱gga̱ma̱ mucuru olle ko̱ zoz ci Ye̱su̱, elemtta de̱de̱ ming ilem gool ci Ta̱mu̱ta̱dde̱no̱, eci Jon Ba̱ti̱ti̱mo̱ ba̱li̱ye̱ ci a̱gga̱me̱k nogo ba̱ti̱ti̱mo̱.

Lu̱ka̱ 7:29 ပူးပေါင်းရင်းမြစ်များ

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Lu̱ka̱ 20:6

Ma̱i̱je̱ ming kazi naga ne, ‘A̱kku̱ ngati ol cik diirik,’ ovvo ol do̱o̱k ovoccet biyene, eci nege do̱o̱k a̱tu̱ ming een Joni a̱ri̱to̱i̱t ci zoz ci Ta̱mu̱ta̱dde̱no̱.”

Lu̱ka̱ 3:12

I̱vi̱ta̱ ol wak alut mucuru olle orong ka̱gga̱mi̱t ba̱ti̱ti̱mo̱. I̱jji̱nto̱ zin nege, “De̱me̱zo̱i̱t, ku̱tu̱gu̱zza̱ wo̱ye̱ naga nya?”

Lu̱ka̱ 7:28

Ka̱du̱wa̱kku̱ng anna i̱ge̱ta̱, ovvo zin olle ne̱k a̱rri̱ta̱ ngaai ko̱, i̱llo̱i̱ e̱e̱t imma ci ommog Jon; okko e̱e̱ti̱ ci een vu̱rru̱t ba̱a̱li̱nte̱ ci Ta̱mu̱ta̱dde̱no̱ ci a̱ddi̱ki̱re̱ kommog nonno.”

Lu̱ka̱ 7:35

Ma̱i̱je̱ genyizi i̱ye̱la̱i̱ een de̱de̱ ngati dooli ciginnek do̱o̱k.”

Buk wa To̱ni̱a̱u̱ 18:25

Edemez da̱ e̱e̱ti̱ imma nonno zoz ci Manyi, ozoz enne oroot talninta, uwak zoz ci Ye̱su̱ ju̱rru̱m, abarik da̱ enne a̱gga̱ ba̱ti̱ti̱mo̱ wa Joni do̱ niko.

Buk wa To̱ni̱a̱u̱ 19:3

I̱jji̱n bo̱do̱k Pa̱u̱lo̱ nogo, a̱nne̱k ne, “Ba̱ti̱ti̱mo̱ zin jang ci amudannu niga ko̱?” O̱bo̱dde̱k bo̱do̱k nege, azi ne, “Ba̱ti̱ti̱mo̱ wa Joni.”

Roma 10:3

Eci iróng nege a̱gga̱ bunnat ci a̱kku̱ ngati Ta̱mu̱ta̱dde̱no̱ eleme nogo ko̱, orongit zin bunnat go̱o̱le̱ cinne̱ng. Iróng zin nege arike bunnat ci Ta̱mu̱ta̱dde̱no̱ zi̱nze̱tti̱.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 16:5

Kiziya zin anna anjilo wa abal maam ming azi ne, “Ettedi i̱nna̱ lo̱ki̱ko̱ cigunnek ju̱rru̱m, e̱e̱ni̱ i̱nna̱ wa A̱li̱le̱ O̱de̱ Ṯok, aave i̱nna̱ odohize, ilemi i̱nna̱ ming ettedi lo̱ki̱ko̱ go̱o̱le̱ necu ko̱;