Lu̱ka̱ 6:49 - Tennet

⁴⁹ Ma̱i̱je̱ e̱e̱ti̱ ci aziye zoz cinanni imma ngatu iróng enne a̱li̱ngli̱nge̱, ogon enne ki e̱e̱ti̱ ci eenyet ce̱e̱z cinne lo̱o̱ta̱ iróng a̱da̱ lo̱o̱c ju̱rru̱m. Ming okko tawani a̱kku̱, a̱yu̱we̱ ce̱e̱z neci ki̱li̱be̱ kedecai.”

Lu̱ka̱ 6:49 ပူးပေါင်းရင်းမြစ်များ

Ma̱te̱yo̱ 23:3

Abunna ming o̱ngo̱o̱li̱nnu̱ nogo kar u̱tu̱gu̱z kaal cik a̱du̱wa̱ nege. Abarik ma zin ogonnu kaal cik ogon nege ko̱, eci nege iróng ogon gi̱i̱ ci edemez nege.

Ma̱te̱yo̱ 24:10

Imma i̱i̱te̱ne̱ neci, ovvo atin ol cik meelek abure tu̱we̱ne̱t zoz ci Ta̱mu̱ta̱dde̱no̱, kar atin kadayya gonoggi bak amarno nege e̱le̱tti̱ne̱.

Marko 4:17

Ma̱i̱je̱ zin ngatu iróng arike zi̱nze̱tti̱ ju̱rru̱m (anyak egero ju̱rru̱m), a̱tu̱we̱ arrak do̱yo̱i̱t. Ming okko piryanzet a̱kku̱ icima gi̱de̱ne̱t zo̱ze̱ ci zoz necu, odotek zoz necu lo̱o̱c ataman.

Lu̱ka̱ 12:47

“Okko du̱ca̱i̱ti̱ ci a̱gga̱ zoz ci alaan cinne kar ngatu iróng enne e̱re̱ye̱ icima ogon gi̱i̱ ci orong alaani cinne, a̱ru̱we̱ atin oroot.

Lu̱ka̱ 19:14

“Imma ol cik lo̱o̱c cinne, amarine nonno oroot, kar zin ki̱tto̱ntte̱k ol u̱gge̱ koot oowa ngatinne kizeto ne, ‘Iróng naga korongnya e̱e̱t cu kize alaan cinna̱ng.’

Lu̱ka̱ 19:27

Ma̱i̱je̱ ngati mo̱ddo̱ wagannik aburna annit kize alaan ci kabali nogo ko̱, anyaktta nogo ngintu kar u̱ru̱we̱t ka̱da̱i̱to̱ kicin anna.’”

Lu̱ka̱ 6:46

“Nya ming awuyang odohize niga a̱nne̱kka̱ng ne, ‘Manyi, Manyi,’ kar ngatu iróng ogonnu kaal cik ka̱du̱wa̱ anna ko̱?

Lu̱ka̱ 6:48

Ogon enne ki e̱e̱ti̱ ci eenyet ce̱e̱z, a̱da̱ enne lo̱o̱c kuk lo̱o̱ta̱ kar keteheenyek ce̱e̱z nginti een bee. Ming okko tawani a̱kku̱ rok ce̱e̱z, ma̱i̱je̱ ngatu iróng ce̱e̱z omoti, eci eenyce ce̱e̱z neci ju̱rru̱m.

Lu̱ka̱ 7:1

Baling edeca Ye̱su̱ zoz ngati ozozek ol cik aziye zoz cinne, i̱tto̱ zin orog ci een Kapernaum.

Kaviyak wak Abunna Ta̱mu̱ta̱dde̱no̱ eher Joni 15:2

Aizek enne alawo wak iróng a̱a̱ri̱ o̱ya̱u̱ tu̱, imma alawo wak a̱a̱ri̱, a̱vi̱l kar ki̱bbi̱re̱to̱ ju̱rru̱m.

Buk wa To̱ni̱a̱u̱ 20:29

Ka̱gga̱ anna niko ming kutungeung anna i̱ge̱t lo̱o̱c, anyak atin ol cik gerzek ogon kiwagon gu̱zu̱le̱ ovvo atin ottok ol cik ke̱le̱ci̱e̱ ci Ta̱mu̱ta̱dde̱no̱.

Buk wa To̱ni̱a̱u̱ 26:11

Kokko anna Ce̱e̱zi̱nne̱ wak Lawinto odohize eci korongi ol ke̱de̱zi̱t nogo. Kadangek nogo abunna atizik zar cik Manyi Ye̱su̱. Ka̱bu̱ri̱ bali anna nong oroot, kokko gon anna rok lo̱o̱cco̱k cik i̱do̱ngi̱nnu̱ kokko ka̱gi̱di̱ nogo.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.