Lu̱ka̱ 6:42 - Tennet

⁴² A̱nne̱k wo̱ye̱ i̱nna̱ goonu ne, ‘Ja keelawi kaara lojilingoc ci anyai i̱nna̱ e̱be̱re̱ca̱ ko̱,’ imma ngatu i̱nna̱ anyai keet ci a̱ddi̱ki̱re̱ e̱be̱re̱ce̱ cunne ci ommog veelek, iróng wo̱ye̱ i̱nna̱ a̱a̱dda̱ bu̱k? A̱ru̱i̱ i̱nna̱ talaben. Aara arrak keet ci a̱ddi̱ki̱re̱ e̱be̱re̱ce̱ cunne, kar zin cin lojilingoc cidici e̱be̱re̱ce̱ ci gononu ju̱rru̱m.”

Lu̱ka̱ 6:42 ပူးပေါင်းရင်းမြစ်များ

Ma̱te̱yo̱ 26:75

A̱a̱dda̱ zin Peturu zoz bali u̱du̱wa̱ Ye̱su̱ ke̱, azi ne, “Ming ngen tuulici korok, etezinna atin i̱nna̱ annita lak i̱i̱yo̱.” Kar zin enne kuk reena, u̱tu̱lu̱ oroot.

Ma̱te̱yo̱ 7:3

“Nya i̱nna̱ ming acinni artenit cidicilim e̱be̱re̱ce̱ ci gononu ko̱, imma ngatu ibbezi keet ci a̱ddi̱ki̱re̱ e̱be̱re̱ce̱ cunne?

Ma̱te̱yo̱ 7:4

A̱nne̱k wo̱ye̱ i̱nna̱ goonu ne, ‘Ja kidima artenit cidicilim e̱be̱re̱ce̱ cunne,’ imma ngatu anyai i̱nna̱ keet ci a̱ddi̱ki̱re̱ e̱be̱re̱ce̱ cunne?

Lu̱ka̱ 13:15

O̱bo̱de̱k zin Manyi nonno, “Niga ol cik a̱ru̱kku̱ talaben ko̱! Iróng gon niga do̱o̱k I̱i̱te̱ne̱ wa Yu̱bze̱nto̱ owanu tiin icima zi̱gi̱re̱ boora kar aanycik maam?

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Lu̱ka̱ 6:41

“Nya ming acinni i̱nna̱ lojilingoc cidici aave e̱be̱re̱ce̱ ci gononu imma ngatu iróng i̱nna̱ edeconik keet ci a̱ddi̱ki̱re̱ aave e̱be̱re̱ce̱ cunne ko̱?

Lu̱ka̱ 6:43

“I̱llo̱i̱ keet ci abunna ci a̱bbi̱rna̱ o̱ya̱u̱ cik gerzek, icima keet ci gerze ci a̱bbi̱rna̱ o̱ya̱u̱ cik abunna.

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 8:21

Iróng i̱nna̱ anyai li̱ngli̱ngo̱n imma ngatu, eci zinin cunne iróng abunna ngu̱me̱ ci Ta̱mu̱ta̱dde̱no̱.

Roma 2:1

I̱yo̱ko̱ zin, iróng i̱nna̱ anyai gool ci a̱vi̱re̱, i̱nna̱ e̱e̱ti̱ ci ettedik e̱e̱t imma lo̱ki̱ko̱ ko̱, eci go̱o̱le̱ ci ettede i̱nna̱ lo̱ki̱ko̱ ko̱, edezi i̱nna̱ ele cunne, eci i̱nna̱ ogoni kaal ne̱ke̱ ele.

2 Ko̱ri̱nto̱ 5:18

Ta̱mu̱ta̱dde̱n ci adiman kaal cik een jor baize cinna ko̱ do̱o̱k. I̱tto̱na̱ enne Ki̱ri̱sto̱ kar ki̱ki̱ya̱ kaganizet agit ki nonno, kar kaanyyet agit li̱ngli̱ngo̱n ci kaganiza ol ki nonno.

2 Ti̱mo̱te̱yo̱ 2:21

I̱ya̱bzo̱ni̱kke̱t zin kaala ne̱ko̱ agita. Ming utungek e̱e̱ti̱ imma mu̱nye̱n lo̱o̱c, u̱tu̱gu̱ enne ki gi̱i̱ ci a̱zi̱ze̱ agano ki li̱ngli̱ngo̱n. Aanyik ol ki̱li̱li̱ kar ki̱li̱ngli̱nge̱ manyi ce̱e̱z, aave kar ki̱li̱ngli̱ngte̱ li̱ngli̱ngo̱n ci abunna.

2 Peturu 1:9

Ma̱i̱je̱ ming iróng e̱e̱ti̱ imma anyak kaal ne̱ko̱ do̱o̱k, u̱tu̱gu̱ enne ki e̱e̱ti̱ ci ru̱be̱ni̱, erek nonno ming utunycai mu̱nye̱na̱ balik anyak enne ke̱.