Lu̱ka̱ 6:29 - Tennet

²⁹ Ming apani e̱e̱ti̱ vurec, anyik bo̱do̱k kapan vurec co̱de̱ ke̱ bu̱k. Ming a̱gga̱ma̱ni̱ e̱e̱ti̱ ru̱u̱m cunne ngo̱lo̱lu̱, anyik kurumek ki ru̱u̱m ci ta̱dde̱nu̱ bu̱k.

Lu̱ka̱ 6:29 ပူးပေါင်းရင်းမြစ်များ

Ma̱te̱yo̱ 26:67

Uturttek zin nege Ye̱su̱ amut ebere, kar ku̱lu̱ma̱nni̱t nonno. Kar bo̱do̱k uggak kapannit nonno dee,

Lu̱ka̱ 22:64

U̱bu̱nge̱t nege ebere ciginnek kar kizettek ne, “Du̱wa̱ arizet cunne! Ngene ci a̱ru̱ki̱ i̱nne̱ta̱?”

Lu̱ka̱ 6:30

Anyik e̱e̱t kaal cik a̱jji̱n enne ngatunne, kar ming okkoye e̱e̱ti̱ imma gi̱i̱ cunne, ma ngen obodane ngatinne.

Kaviyak wak Abunna Ta̱mu̱ta̱dde̱no̱ eher Joni 18:22

Baling u̱du̱wa̱ Ye̱su̱ zoz necu, apan e̱e̱ti̱ imma ci ojongzo ki Ye̱su̱ nonno ngu̱m eliya, kar zin ku̱cu̱b kizek ne, “Gool ci ozozike i̱nna̱ alaan ci a̱ddi̱ki̱re̱ wawaco necu?”

Buk wa To̱ni̱a̱u̱ 23:2

Okko zin zo̱ze̱ necu, u̱du̱wa̱k Ananiyasi alaani ci a̱ddi̱ki̱re̱ wawaco ol wak abile abanyce ci Pa̱u̱lo̱ kapannit nonno utug.

1 Ko̱ri̱nto̱ 4:11

Kowoya gon naga magizet, kowoya bo̱do̱k kooret, kar kuburucca ru̱u̱ma̱ni̱ cik zorzorik, ogonet ol gerzet, i̱llo̱i̱ rok ce̱e̱z ci kabaka.

1 Ko̱ri̱nto̱ 6:7

Ming anyakku jooret cik ovvoyyu lo̱ki̱ka̱ orgene cunno̱ng, i̱ye̱la̱ necu zoz ci azi ne iróng niga abakku baiz ci abunna ngu̱me̱ ci Ta̱mu̱ta̱dde̱no̱. Ma̱i̱je̱ nu̱nu̱n ming ogonekku̱ng gonoggu wak a̱tu̱we̱ kaal cik gerzek, alaltek nogo labak, ma ovvoyyu nogo lo̱ki̱ka̱.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.