Lu̱ka̱ 6:27 - Tennet

²⁷ “Abarik anna ka̱du̱wa̱kku̱ng i̱ge̱t ol cik azikna annit ko̱: Irezit mo̱ddo̱ cuggo̱k, u̱tu̱gu̱zze̱k kaal cik abunna ol cik amarinnung,

Lu̱ka̱ 6:27 ပူးပေါင်းရင်းမြစ်များ

Marko 4:24

Emena Ye̱su̱ zoza dee, “I̱no̱n ju̱rru̱m zoz ci aziyi i̱nna̱, gool ci i̱ya̱be̱ i̱nna̱, i̱ya̱bzo̱ni̱ki̱ atin i̱nne̱t bu̱k, icima kize a̱ppwa̱ kommog necu.

Lu̱ka̱ 23:34

Kar zin Ye̱su̱ kalawo kize ne, “Baba, lalek nogo, eci iróng nege a̱gga̱ gi̱i̱ ci ogon ko̱.” Kar zin kengerit ru̱u̱ma̱ni̱ ciginnek ngati ovoce bibi.

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Lu̱ka̱ 6:35

Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Lu̱ka̱ 8:18

I̱yo̱ko̱ zin, a̱gga̱c zin ju̱rru̱m gool ci aziknenu niga zoz ci Ta̱mu̱ta̱dde̱no̱ ku̱. Ming anyak e̱e̱ti̱ imma, anyonik atin nonno cik meelek; ming iróng e̱e̱ti̱ imma anyak, a̱gga̱mnya̱i̱ atin rok ne̱k i̱no̱n enne azi ne anyai cidici ko̱.”

Lu̱ka̱ 8:8

Itazak bo̱do̱k i̱nyo̱mo̱na̱ uggak nginti een to̱ri̱cto̱. Itingazzo i̱nyo̱mo̱na̱ ne̱ko̱ ki̱bbi̱re̱to̱ ju̱rru̱m kommogit balik arir nege ke̱.” Baling u̱du̱wa̱ enne tubzenet necu, kar kize ne, “Ming anyak e̱e̱ti̱ iin cik aziknene, anyik nonno kiziyo.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 16:28

Ma̱i̱je̱ da̱ Pa̱u̱lo̱ acin niko, kar zin kegerenyek nonno, a̱nne̱k ne, “Ma a̱ru̱i̱ ele cunne! Kaavtiya naga do̱o̱k ngatu.”

Buk wa To̱ni̱a̱u̱ 7:60

Kar zin kuduk lo̱o̱c kakatek u̱zu̱ngti̱nne̱ kar ku̱tu̱lu̱, “Manyi, ma edezi nogo mu̱nye̱ne̱ cik ogon nege ko̱.” Baling ming okko enne a̱du̱wa̱ zoz necu niko, etteda zinin a̱da̱ha̱.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

3 Jon 1:11

Goona wa zinino, ma uhu zoz ci mu̱nye̱nu̱ kize zoz ci abunna. Imma e̱e̱ti̱ ci ogon zoz ci abunna een enne e̱e̱t ci Ta̱mu̱ta̱dde̱no̱, imma e̱e̱ti̱ ci ogon mu̱nye̱n iróng enne a̱gga̱ Ta̱mu̱ta̱dde̱n.