Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lu̱ka̱ 6:23 - Tennet

23 “Abunna ming atalninnu niga i̱i̱te̱ne̱ neci kar ingozit talninta, eci a̱ddi̱ki̱re̱ muci cunno̱ng ta̱mu̱-kenga. Eci bali be̱e̱ti̱gge̱k ogon a̱ri̱tto̱k niko bu̱k.

အခန်းကိုကြည့်ပါ။ ကော်ပီ




Lu̱ka̱ 6:23
45 ပူးပေါင်းရင်းမြစ်များ  

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.


Baling izik Elizabethi zawinet ci Ma̱ri̱ya̱, ingoz zin do̱le̱c kenge cinne, kar Elizabethi kumuda Vongiz ci A̱li̱le̱.


Baling uzuca zawinet cunne itat cinanni, ingoz zin do̱le̱c kenge cinanni talninta.


Abarik irezit mo̱ddo̱ cuggo̱k, u̱tu̱gu̱zze̱k nogo kaal cik abunna, aanycik nogo kaal labak ci iróng atin niga orongnyu nga̱bo̱lo̱. Kar atin Ta̱mu̱ta̱dde̱n ka̱a̱nyu̱ng kaal cik meelek, ovvo atin e̱e̱ggi̱nnu̱ dooli cik Manyi wa Ommog Veelek, eci enne een bunnatait ngati olli mu̱nye̱nu̱.


kar zin kutu nonno, izek ne, “Tinga je̱e̱na̱ zoone cigunnek!” Baling okko e̱e̱ti̱ aziye, itinga je̱e̱na̱ ingoz kar zin koto labak.


Itinga ngati ingoze, kibil je̱e̱na̱ zoone, kar zin ku̱lu̱c lo̱o̱c. Orkorrit zin enne ki nogo oot reene ci Ce̱e̱z wa Ta̱mu̱ta̱dde̱no̱ ecito, ngati owoye je̱e̱na̱ kar zin kingoz katal oroot kar bo̱do̱k kinnat Ta̱mu̱ta̱dde̱n.


Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.


Iróng zin ogon niko do̱o̱k! Katalne naga piryanzete ci kamuda eci ka̱gga̱ aanyyet piryanzet kinimet no̱ngi̱tto̱n,


Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.


I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.


Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.


Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.


Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.


Gotonogga ki ngonogga tu̱we̱nta̱, abunna zin kaavtte talninta, ming nu̱nu̱n atimanet no̱ngi̱tto̱na̱ go̱o̱lo̱we̱ cik aavtte do̱ do̱ baiza.


Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.


Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.


Imma e̱e̱ti̱ ci anime no̱ngi̱tto̱n kar ku̱tu̱gu̱ zoz cinanni udut, kanyike atin anna nonno doiz ci abale lo̱o̱cco̱k do̱o̱k.


Ming anyak e̱e̱ti̱ iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Kanyik atin anna ol wak anime no̱ngi̱tto̱n kadait o̱ya̱u̱ cik keet ci rugeto, ci aave ta̱mu̱-kenga ki Ta̱mu̱ta̱dde̱n.


Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.


Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.


Ming anime e̱e̱ti̱ imma no̱ngi̱tto̱n ki nege, abunna ming aim ru̱u̱ma̱ni̱ cik voorik. Iróng atin anna kaara zar ciginnek warage ci rugeto, abarik atin ka̱du̱wa̱ zar ciginnek ngati aave Baba ki anjilonya ciginnek do̱o̱k bu̱k.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ