Lu̱ka̱ 6:19 - Tennet

¹⁹ kar ol do̱o̱k koronggit ku̱u̱me̱t nonno, eci doizi iyowa ngatinne kar kangaru nogo do̱o̱k.

Lu̱ka̱ 6:19 ပူးပေါင်းရင်းမြစ်များ

Ma̱te̱yo̱ 14:36

Ilalek nege Ye̱su̱ kar ol cik omori ku̱u̱me̱t ru̱u̱m cinne, imma ol balik u̱u̱me̱t nonno ubunntta, i̱zze̱c mo̱ri̱zo̱wa̱ dakdak.

Marko 3:10

Eci enne angaru ol cik meelek giir mo̱ri̱zo̱we̱, iyota zin ol wak anyak mo̱ri̱zzo̱k e̱le̱tti̱ne̱ orongit ku̱u̱me̱t nonno.

Marko 5:30

Ma̱i̱je̱ Ye̱su̱ a̱gga̱ niko ming iyowa komizi imma eliye cinne. Utuhuwe zin enne icin koole kar ki̱jji̱no̱, “Ngene ci u̱u̱m ru̱u̱m cinanni?”

Marko 6:56

Ming okko enne o̱rge̱ emani, odonga ol mo̱ri̱zzo̱k nginti utane ol kaal. Ilalek ol nonno orong ku̱u̱me̱t ru̱u̱m cinne, imma ol cik u̱u̱me̱t ru̱u̱m cinne, angaruyye. Ki̱zze̱c mo̱ri̱zo̱wa̱ e̱le̱tti̱ne̱ cigge̱k.

Marko 8:22

I̱vi̱tta̱k zin ciko Ye̱su̱ ki demezyak orog ci een Betsaida, anyakttak zin ol uggak Ye̱su̱ e̱e̱t ci ru̱be̱ni̱ abunna okko enne atadek nonno a̱zzi̱t kar kalawek Ta̱mu̱ta̱dde̱n kangaru nonno.

Lu̱ka̱ 5:17

Imma i̱i̱te̱n imma baling edemez enne ol cik een Varacis ki de̱me̱zzo̱k wak lo̱ti̱nno̱u̱, balik a̱vvu̱ o̱ro̱gjo̱we̱ Ga̱li̱li̱kte̱, Ju̱de̱ya̱, ki Jerusalema, aavtte nege ba̱li̱ye̱ nginati. Kar doizi ci Manyi ka̱vvu̱ ngatinne kar enne kangaru ol cik omori.

Lu̱ka̱ 6:18

a̱vvu̱ nege ovvo aziye zoz ci Ye̱su̱ kar bo̱do̱k abunna ming angaru enne nogo mo̱ri̱zo̱we̱. Ovvo ol wak aminye kuulo cik lo̱rye̱nta̱k ko̱ ubunntta,

Buk wa To̱ni̱a̱u̱ 19:12

ming u̱u̱m ol cik omori ru̱u̱ma̱ni̱ cik Pa̱u̱lo̱, angaruyye nege niko, kar kuulo cik lo̱rye̱nta̱k kutungttek nogo lo̱o̱c.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.