Lu̱ka̱ 5:32 - Tennet

³² Iróng anna ka̱kku̱ni̱ kar ki̱ki̱ya̱ kutu ol wak abunna, abarik ka̱kku̱na̱k ol wak mu̱nye̱nu̱ kar ki̱vi̱ta̱ kuturta mu̱nye̱n cigge̱k.”

Lu̱ka̱ 5:32 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 9:13

Abarik oto kar a̱gga̱c ungec ci zoz neci ju̱rru̱m: ‘Korongi anna deten, iróng een wawac.’ Iróng anna ka̱kku̱ni̱ kar ki̱ki̱ya̱k ol cik abunna, abarik ka̱kku̱na̱k ol wak mu̱nye̱nu̱.”

Marko 15:10

A̱gga̱ alaani Pilato ming eceb alaata cik olli wawaco Ye̱su̱ gaganiko, eci nege emederan nonno.

Marko 15:7

E̱ce̱bje̱ da̱ e̱e̱ti̱ ci een Barabas lagama zo̱ze̱ ci a̱ru̱we̱ enne e̱e̱t zo̱ze̱ ci aburne nege nong ngati gaalau, oyoho ki aciir ku̱ru̱k e̱e̱t ka̱da̱k.

Marko 2:17

Baling izik Ye̱su̱ zoz necu, izek enne nogo ne, “Iróng e̱e̱ti̱ ci abunna ele ci orong ngari, abarik e̱e̱t ci omori ci orongi. Iróng bali anna ka̱kku̱ni̱ ki̱ki̱ya̱k kutu ol wak abunna, abarik Ka̱kku̱na̱k ol wak mu̱nye̱nu̱.”

Lu̱ka̱ 15:10

Imma go̱o̱le̱ necu dee, ka̱du̱wa̱kku̱ng anna i̱ge̱ta̱, anyak talninet ngati aavtte anjilonya cik Ta̱mu̱ta̱dde̱no̱ ming utura e̱e̱ti̱ co̱de̱ mu̱nye̱n ciginnek.”

Lu̱ka̱ 15:7

Ka̱du̱wa̱kku̱ng zin ogon atin talninet niko ta̱mu̱-kenga ngati e̱e̱t co̱de̱ mu̱nye̱nu̱ ming utura mu̱nye̱n ciginnek, ommog ol cik e̱e̱ggi̱n moten torkoc ki torkoc cik abunna iróng anyak mu̱nye̱n.

Lu̱ka̱ 19:10

Eci Ngerrti E̱e̱to̱ a̱kku̱ ki̱ki̱ya̱ koronga kar ki̱ti̱ri̱z ol balik i̱ti̱yye̱t tu̱.”

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Lu̱ka̱ 5:31

O̱bo̱de̱k zin Ye̱su̱ nogo, “Iróng een e̱e̱t ci abunna ele ci orong di̱kto̱r, abarik e̱e̱t ci omori.

Lu̱ka̱ 5:33

Izettek zin nege nonno ne, “Wagon nuyaha cik Joni ala Ta̱mu̱ta̱dde̱n kar bo̱do̱k ki̱ya̱yo̱, ogon zin bo̱do̱k nuyaha cik Varacisi bu̱k niko, ma̱i̱je̱ nuyaha cigunnek adakce aude labak.”

Buk wa To̱ni̱a̱u̱ 17:30

Eci ba̱li̱ye̱ Ta̱mu̱ta̱dde̱n ibbez ol kaale cik iróng nege a̱gga̱, abarik zin i̱yo̱ko̱ enne orongnyet agit lo̱o̱co̱we̱ do̱o̱k kuturta mu̱nye̱n cigga̱c do̱o̱k.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 20:21

Ku̱du̱wa̱ha̱ olli Ya̱u̱do̱ ki Gi̱ri̱k kar kuturtak mu̱nye̱n cigge̱k Ta̱mu̱ta̱dde̱n kar bo̱do̱k ku̱tu̱we̱t Manyitinna Ye̱su̱.

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Buk wa To̱ni̱a̱u̱ 3:26

Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.