Lu̱ka̱ 5:30 - Tennet

³⁰ Imma Varacisi ki de̱me̱zzo̱k wak lo̱ti̱nno̱u̱ balik arume ki nogo ko̱ ku̱du̱kta̱k demezyak ciginnek, “Nya ming ozolu niga da̱i̱ne̱t ki ol wak aluta mucuru ki ol cik mu̱nye̱nu̱ ko̱?”

Lu̱ka̱ 5:30 ပူးပေါင်းရင်းမြစ်များ

Ma̱te̱yo̱ 5:46

Ming irezzu niga ol wak irezzung i̱ge̱t do̱, amuccu̱ng wo̱ye̱ atin Ta̱mu̱ta̱dde̱n zo̱ze̱ necu? Amudannu atin niga nya ci abunna? Iróng ol wak gerzek a̱gga̱ma̱ ol mucuru ko̱ irez gonoggi do̱ niko?

Ma̱te̱yo̱ 9:11

Baling icinnet olli Varacisi zoz necu, i̱jji̱nne̱t zin nuyak cik Ye̱su̱, a̱nne̱k ne, “Inya ming adakce de̱me̱zo̱i̱ti̱ cinno̱ng ki ol wak aluta mucuru olle ki ol wak mu̱nye̱nu̱ bu̱k ko̱?”

Marko 2:16

Baling icinnet de̱me̱zzo̱wa̱ wak lo̱ti̱nno̱u̱ wak een Varacis Ye̱su̱ ming adakce ki olli mu̱nye̱nu̱ ki bo̱do̱k ol wak aluta ol mucuru, i̱jji̱nne̱t zin nege nuyak cik Ye̱su̱, “Nya ming adakce enne ki ol wak mu̱nye̱nu̱ ki bo̱do̱k ol wak alut mucuru ko̱?”

Marko 7:3

Iróng gon Varacisi ki olli Ya̱u̱do̱ do̱o̱k adakce runyak ming ngen kutunyet azzin ju̱rru̱m ngati kanuwe keer wanne̱ng ol cik a̱ddi̱ki̱re̱.

Marko 9:16

I̱jji̱n zin Ye̱su̱ demezyak waginnek, “Adangonu niga nya ki nogo?”

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 19:7

Imma ol balik icinnet zoz neci do̱o̱k kar zin kungungunet, “Okko enne een e̱re̱nno̱i̱t ce̱e̱ze̱ ci e̱e̱t ci ‘mu̱nye̱nu̱.’”

Lu̱ka̱ 5:17

Imma i̱i̱te̱n imma baling edemez enne ol cik een Varacis ki de̱me̱zzo̱k wak lo̱ti̱nno̱u̱, balik a̱vvu̱ o̱ro̱gjo̱we̱ Ga̱li̱li̱kte̱, Ju̱de̱ya̱, ki Jerusalema, aavtte nege ba̱li̱ye̱ nginati. Kar doizi ci Manyi ka̱vvu̱ ngatinne kar enne kangaru ol cik omori.

Lu̱ka̱ 5:21

A̱ka̱tte̱ zin olli Varacisi ki de̱me̱zzo̱k wak lo̱ti̱nno̱u̱ i̱no̱ni̱t nege e̱le̱tti̱ne̱ do̱, “Ngene e̱e̱ti̱ cu ozoz zoz ci odome enne Ta̱mu̱ta̱dde̱n ko̱? Ngene wo̱ye̱ ci alalnek ol mu̱nye̱ne̱, iróng een Ta̱mu̱ta̱dde̱n do̱ niko?”

Lu̱ka̱ 7:34

A̱kku̱ Ngerrti E̱e̱to̱ adakce, aude, kar niga izet ne, ‘Een enne elemnyoit kar bo̱do̱k kize bba̱kco̱i̱t, een enne gonen ki ol wak aluta mucuru olle ki olli mu̱nye̱nu̱.’

Lu̱ka̱ 7:39

Baling icin Varacisi bali awa nonno ke̱ zoz necu, a̱nne̱k zin ele cinne ne, “Ming een e̱e̱ti̱ cu a̱ri̱to̱i̱t ci zoz ci Ta̱mu̱ta̱dde̱no̱ de̱de̱, a̱gga̱ wo̱ye̱ enne ngene ci u̱u̱m nonno ko̱, kar bo̱do̱k ka̱gga̱ ngaa ci ogon ku̱ cu, een enne ngaa ci mu̱nye̱nu̱.”

Buk wa To̱ni̱a̱u̱ 23:9

A̱vvu̱ zoz ci aburne ol nong oroot to, kar de̱me̱zzo̱wa̱ wak lo̱ti̱nno̱u̱ uggak wak een Varacis, ibilet je̱e̱na̱ kar zin kadangto oroot, azi nege ne, “I̱llo̱i̱ gi̱i̱ ci gerze kamudanna ngati e̱e̱t cu. Nyaa ming ozozik vongizi icima anjilo nonno ko̱?”