Lu̱ka̱ 5:24 - Tennet

²⁴ Abarik abunna ming a̱gga̱yyu̱ anyak Ngerrti E̱e̱to̱ doiz lo̱o̱ta̱ ngatu kar kalalek ol mu̱nye̱n.” A̱nne̱k zin enne e̱e̱t ci ngooli ko̱ ne, “Ka̱du̱wa̱ki̱ anna i̱nne̱t, tinga je̱e̱na̱, dima kwe̱e̱n cunne kar bit ce̱e̱za̱.”

Lu̱ka̱ 5:24 ပူးပေါင်းရင်းမြစ်များ

Ma̱te̱yo̱ 16:13

Baling i̱vi̱tta̱k Ye̱su̱ ki nuyak orog ci een Kesarea, Vilipia, i̱jji̱n zin enne to̱ni̱a̱k ciginnek, azi ne, “I̱no̱n ol azi ne, een Ngerrti E̱e̱to̱ ngene?”

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Ma̱te̱yo̱ 9:6

Abunna abarik ming a̱gga̱yyu̱ anyak Ngerrti E̱e̱to̱ doiz ci okkomi lo̱o̱ta̱ ngatu ci alalneke enne ol mu̱nye̱n.” Imma zin zo̱ze̱ neci, a̱nne̱k zin Ye̱su̱ e̱e̱t ci nganynganyi zoona ko̱ ne, “Tinga je̱e̱na̱, lut kwe̱e̱n cunne bit ce̱e̱za̱.”

Lu̱ka̱ 5:13

I̱tto̱n zin Ye̱su̱ a̱zzi̱t cinne kar ku̱u̱m e̱e̱t neci. Ize ne, “Kelemi anna, bunna!” Kar dhovo ki̱zzi̱ eliye cinne ne dakdak.

Lu̱ka̱ 5:18

I̱vi̱ta̱ ol uggak odonga e̱e̱t ci ngooli keene, kar koronggit ki̱tto̱zze̱ nonno ce̱e̱z kar kaartik nginti aave Ye̱su̱.

Lu̱ka̱ 5:23

Jang ci obokce: kize ne, ‘Alalei Ta̱mu̱ta̱dde̱n mu̱nye̱n cigunnek yo,’ icima kazi ne, ‘Tinga je̱e̱na̱ kar to’?

Lu̱ka̱ 7:14

Uk zin enne u̱u̱m kwe̱e̱n ci odonge ol lo̱gu̱t ci a̱da̱k ko̱, kar ol ne̱k odonga nonno ko̱ kibilet li̱i̱m. Ize enne ne, “Logozit, ka̱nne̱ki̱ anna i̱nne̱t ne, tinga je̱e̱na̱.”

Lu̱ka̱ 8:54

A̱gga̱m zin Ye̱su̱ a̱zzi̱t ci do̱le̱c bali a̱da̱k ke̱, kar kize ne, “Do̱le̱c cinanni, tinga je̱e̱na̱!”

Kaviyak wak Abunna Ta̱mu̱ta̱dde̱no̱ eher Joni 11:43

Baling u̱du̱wa̱ Ye̱su̱ zoz necu, utu zin daizoit muluwe ci a̱bu̱le̱, ize ne, “Lazaru, iyowa re̱e̱nu̱n!”

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:13

Ngen e̱e̱ti̱ imma kuk ta̱mu̱-kenga kize Ngerrti E̱e̱to̱ do̱ niko bali a̱kku̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Buk wa To̱ni̱a̱u̱ 14:10

kar zin kutu nonno, izek ne, “Tinga je̱e̱na̱ zoone cigunnek!” Baling okko e̱e̱ti̱ aziye, itinga je̱e̱na̱ ingoz kar zin koto labak.

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

Buk wa To̱ni̱a̱u̱ 9:34

Utu zin Peturu nonno, a̱nne̱k ne, “Anyes, angaruwi Ye̱su̱ Ki̱ri̱sto̱ i̱nne̱ta̱. Tinga je̱e̱na̱ lu̱c kwe̱e̱n cunne.” Ataman niko itinga Anyesi.

Buk wa To̱ni̱a̱u̱ 9:40

Ottok Peturu nogo do̱o̱k koot reena; kar zin enne akatek u̱zu̱ngtti̱ lo̱o̱c kar kalawo. Kar zin kutuhuwe kicin ngaa ci a̱da̱k ko̱, kar kize ne, “Tabita, tinga je̱e̱na̱.” Oo Tabita ebere ciginnek, bali okko enne acin Peturu itinga kar ka̱vvu̱ je̱e̱na̱

O̱no̱zzo̱k 1:13

imma orgene ci kaal cik abilne tukulena ko̱, anyak e̱e̱t ci diiri ogon ki “Ngerrti E̱e̱to̱,” aburuc ru̱u̱m ci wu̱u̱ni̱ azuca rok zo̱o̱, ki ru̱u̱m ci een dhahab atadonik erahek zi̱nze̱tti̱nne̱.