Lu̱ka̱ 24:36 - Tennet

³⁶ Baling ngen nege ozoz zoz neci, ibil zin Ye̱su̱ enne eliya orgene cinne̱ng kar kizek nogo ne, “Kizzayung, abunnanu.”

Lu̱ka̱ 24:36 ပူးပေါင်းရင်းမြစ်များ

Ma̱te̱yo̱ 10:13

Ming abunna manyi ce̱e̱z neci ngati a̱a̱nyu̱ng a̱vvu̱t labak, utungtek ma̱yu̱we̱ne̱t ce̱e̱z neci; ming iróng manyi ce̱e̱z a̱gga̱mnyu̱ng go̱o̱le̱ ci abunna, ma a̱ma̱yu̱kku̱ ce̱e̱z neci, abarik anycik ma̱yu̱we̱ne̱t ci Ta̱mu̱ta̱dde̱n kobodaung.

Marko 16:14

Ma bali vu̱rrta̱ i̱ye̱le̱k Ye̱su̱ ele nuyak ciginnek omoto ki co̱de̱ ngati adaine. Egerenyek zin enne nogo zo̱ze̱ ci iróng nege anyak tu̱we̱ne̱t, kar bo̱do̱k kokkomit nogo o̱o̱tti̱ abure iróng elemi zoz ci ol balik icinnet nonno ngati itingai enne daiza.

Lu̱ka̱ 10:5

“Ming i̱zzo̱yu̱ ce̱e̱z ci e̱e̱t imma, arrak izet ne, ‘Abait yahe ce̱e̱ze̱ cu.’

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 20:26

Baling edeccai i̱i̱nya̱ cik e̱e̱ggi̱n turgerem, a̱vvu̱to̱ nuyaha ce̱e̱za̱ ecito, aavtte da̱ Tomasi ki nogo. Anyuge ba̱li̱ye̱ tatugeta, abarik Ye̱su̱ i̱tto̱ orgen cinne̱ng ca̱a̱to̱ kibil kar zin kizek nogo ne, “A̱vvu̱t labak!”

Buk wa To̱ni̱a̱u̱ 1:3

Imma bali vu̱rrta̱ ngati ippira enne ka̱da̱k ta̱la̱ke̱ca̱, i̱ye̱le̱k enne ele to̱ni̱a̱k ciginnek go̱o̱lo̱we̱ cik meelek giir kar zin nege kelemtta ming ngen enne aruge. I̱ye̱le̱k enne nogo ele cinne i̱i̱nya̱ moten we̱c kar kozoz zoz ci obod ki ba̱a̱li̱ne̱t ci Ta̱mu̱ta̱dde̱no̱.

1 Ko̱ri̱nto̱ 15:5

I̱ye̱le̱k Ki̱ri̱sto̱ arrak ele cinne Cephas, kar zin bo̱do̱k ki̱ye̱le̱k ele nuyak wak een omoto ki ram ko̱ do̱o̱k.

1 Ko̱ri̱nto̱ 15:7

I̱ye̱le̱k bo̱do̱k enne ele Je̱mi̱s, kar zin bo̱do̱k ki̱ye̱le̱k ele to̱ni̱a̱k do̱o̱k.

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,