Lu̱ka̱ 24:27 - Tennet

²⁷ Akane ngati Musesi ki a̱ri̱tto̱k do̱o̱k, oobek zin enne nogo zoz bali obod ki nonno u̱du̱ya̱i̱ e̱he̱rye̱ Waraganyai cik Ta̱mu̱ta̱dde̱no̱ ko̱ do̱o̱k.

Lu̱ka̱ 24:27 ပူးပေါင်းရင်းမြစ်များ

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 26:4

Kanyike atin dooli cigunnek ki̱ti̱rre̱t kizeto meele ki i̱yo̱ko̱ munyunya, kar bo̱do̱k kanyik nogo lo̱o̱c necu do̱o̱k, eci zo̱ze̱ ci dooli cigunnek, amuda atin ol cik lo̱o̱tu̱ do̱o̱k ma̱yu̱we̱ne̱t,

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Marko 4:34

Ngen enne kozozik ol ollin, ozoz yabzinta. Ma̱i̱je̱ ming a̱vvu̱to̱ enne ki nuyak ciginnek, oobek u̱nge̱tti̱ cik yabzinto.

Lu̱ka̱ 24:25

Izek zin Ye̱su̱ nogo ne, “E̱e̱ggi̱nnu̱ niga tarbale de̱de̱, kar odoi i̱ge̱t zi̱nze̱tti̱ ngati a̱tu̱yyu̱ zo̱zzo̱k cik u̱du̱kta̱ a̱ri̱tto̱wa̱!

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Kaviyak wak Abunna Ta̱mu̱ta̱dde̱no̱ eher Joni 1:45

Uruba Vilipi Nathanael kar zin kizek ne, “Ku̱mu̱dda̱ e̱e̱t bali eher Musesi zoz ci obod ki nonno lo̱ti̱nno̱we̱ wak Ta̱mu̱ta̱dde̱no̱ ke̱, kar bo̱do̱k a̱ri̱tto̱wa̱ cik Zoz ci Ta̱mu̱ta̱dde̱no̱ keteherit zoz neci, een enne Ye̱su̱ wa orog ci een Nazeret, ngerrti Yosevo.”

Kaviyak wak Abunna Ta̱mu̱ta̱dde̱no̱ eher Joni 12:41

U̱du̱wa̱ a̱ri̱to̱i̱ti̱ ci een Isaya zoz necu, eci enne icin Ye̱su̱ ming a̱bu̱le̱ zara, kar zin kozoz zoz ci obod ki nonno ko̱.

Kaviyak wak Abunna Ta̱mu̱ta̱dde̱no̱ eher Joni 5:37

Ibbac zin Baba bali i̱tto̱na̱na̱ ke̱ zoz cinanni. Ngen niga iziyyet muluk cinne icima icinntu guul cinne.

Kaviyak wak Abunna Ta̱mu̱ta̱dde̱no̱ eher Joni 5:39

Abarik niga ikebju Waraga ci Ta̱mu̱ta̱dde̱no̱ oroot, a̱nnu̱ ne, amudannu ruget ci aave udut. Oob Waraga ci Ta̱mu̱ta̱dde̱no̱ zoz cinanni ele.

Buk wa To̱ni̱a̱u̱ 10:43

Ozoz ba̱li̱ye̱ a̱ri̱tto̱wa̱ do̱o̱k zoz ci obod ki Ye̱su̱, ming a̱tu̱ e̱e̱ti̱ imma nonno, alalnek Ta̱mu̱ta̱dde̱n e̱e̱t neci mu̱nye̱n zare ciginnek.”

Buk wa To̱ni̱a̱u̱ 3:18

Abarik een necu gool ci aanyik Ta̱mu̱ta̱dde̱n zoz cinne kakat mo̱o̱le̱t, baling u̱du̱wa̱k enne a̱ri̱tto̱k okko atin Ki̱ri̱sto̱ cinne apirna.

Buk wa To̱ni̱a̱u̱ 3:22

Eci bali azi Musesi ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱; abunna la̱du̱n ming aziknnu kaal ne̱k a̱du̱wa̱kku̱ng ke̱ do̱o̱k.

Buk wa To̱ni̱a̱u̱ 3:24

“De̱de̱, a̱ri̱tto̱wa̱ do̱o̱k akane ngati Samweli, ki wak meelek ozozit kaal wak u̱tu̱gu̱ Ye̱su̱ i̱i̱nya̱ ciko.

Buk wa To̱ni̱a̱u̱ 7:37

“U̱du̱wa̱k Musesi eliya ol cik Israilo, a̱nne̱k ne, ‘I̱tto̱na̱kku̱ng atin Manyi Ta̱mu̱ta̱dde̱n a̱ri̱to̱i̱t ci zoz cinne orgene cunno̱ng ki i̱yo̱ko̱ anna ko̱.’

Buk wa To̱ni̱a̱u̱ 8:35

Akate zin Vilipi Warage ci Ta̱mu̱ta̱dde̱no̱ ngatu kar ku̱du̱wa̱k nonno kaviyak cik abunna obod ki Ye̱su̱.

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”