Lu̱ka̱ 23:34 - Tennet

³⁴ Kar zin Ye̱su̱ kalawo kize ne, “Baba, lalek nogo, eci iróng nege a̱gga̱ gi̱i̱ ci ogon ko̱.” Kar zin kengerit ru̱u̱ma̱ni̱ ciginnek ngati ovoce bibi.

Lu̱ka̱ 23:34 ပူးပေါင်းရင်းမြစ်များ

Kananet 50:17

‘Icu zoz ci kar niga u̱du̱kta̱k Yosevo: Ka̱jji̱nni̱ anna i̱nne̱t kar lalek gotonoggu mu̱nye̱ne̱ ki kaal wak gerzek ogoniki nege i̱nne̱t ba̱li̱ye̱ ke̱.’ I̱yo̱ko̱ lalek mu̱nye̱n cik du̱cca̱k cik Ta̱mu̱ta̱dde̱n ci baatunne.” Baling uzuca zoz cinne̱ng nonno, u̱tu̱lu̱ zin Yosevo.

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 11:26

De̱de̱, Baba, gi̱i̱ ci aanyi i̱nne̱t talninet ko̱ necu.

Ma̱te̱yo̱ 5:44

Abarik zin ka̱nne̱kku̱ng ne: Irezzit modden cuggo̱k, alayek ol wak a̱gi̱ddu̱ng Ta̱mu̱ta̱dde̱n,

Marko 15:24

Otodoyyek zin nege nonno ta̱la̱ke̱c. Baling orongit kengerit ru̱u̱ma̱ni̱ ciginnek, a̱rri̱t zin nege bibi kar ki̱tta̱k gon ette e̱e̱t cu ru̱u̱m ru̱u̱ma̱ni̱ne̱ ne̱ke̱.

Lu̱ka̱ 22:42

“Baba, ming elemi i̱nna̱, dima uduc ci piryanzeto ko̱ ngatinanni; iróng zoz cinanni abarik aanyik zoz cunne ku̱tu̱gu̱we̱.”

Kaviyak wak Abunna Ta̱mu̱ta̱dde̱no̱ eher Joni 17:9

Kalawonik anna nogo, iróng kalawonik ol wak iróng a̱tu̱we̱, kalawonik ol wak aanya i̱nna̱ annita do̱, ma̱rri̱t nege ming izeto ol cigunnek.

Kaviyak wak Abunna Ta̱mu̱ta̱dde̱no̱ eher Joni 19:11

Obodehe Ye̱su̱ nonno, izek ne, “Ming iróng anyoniki komizi ta̱mu̱-kenga, iróng wo̱ye̱ ette i̱nna̱ anyai komiz ngatinanni. Anyak e̱e̱ti̱ ci wanai anyahaka annit i̱nne̱t ko̱ mu̱nye̱n cik ommog veelek.”

Buk wa To̱ni̱a̱u̱ 16:28

Ma̱i̱je̱ da̱ Pa̱u̱lo̱ acin niko, kar zin kegerenyek nonno, a̱nne̱k ne, “Ma a̱ru̱i̱ ele cunne! Kaavtiya naga do̱o̱k ngatu.”

Buk wa To̱ni̱a̱u̱ 3:17

“Ma̱i̱je̱ zin i̱yo̱ko̱, gotonogga, ka̱gga̱ niko u̱tu̱gu̱zzu̱ niga ki lo̱ddi̱ki̱re̱ cuggo̱k kaal go̱o̱le̱ ci iróng niga a̱gga̱yyu̱.

Buk wa To̱ni̱a̱u̱ 7:60

Kar zin kuduk lo̱o̱c kakatek u̱zu̱ngti̱nne̱ kar ku̱tu̱lu̱, “Manyi, ma edezi nogo mu̱nye̱ne̱ cik ogon nege ko̱.” Baling ming okko enne a̱du̱wa̱ zoz necu niko, etteda zinin a̱da̱ha̱.

Roma 12:14

Alac Ta̱mu̱ta̱dde̱n kar ka̱ma̱yu̱k ol wak gon a̱gi̱ddu̱ng; a̱ma̱yu̱we̱t nogo, ma otoryu.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

1 Ko̱ri̱nto̱ 4:12

Ka̱li̱ngli̱ngnya̱ naga oroot azzine cigga̱k. Kar gon ming otoryet ol, ka̱ma̱yu̱ka̱ nogo; ming a̱gi̱dde̱t ol, kanimnya gi̱de̱ne̱t cinne̱ng.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,