Lu̱ka̱ 22:66 - Tennet

⁶⁶ Ma̱i̱je̱ bali nge̱rre̱t, a̱vvu̱to̱ zin lo̱ddi̱ki̱re̱, alaat cik olli wawaco, ki de̱me̱zzo̱k wak lo̱ti̱nno̱u̱ nga̱to̱de̱, kar zin koole kanyaktak Ye̱su̱ nogo.

Lu̱ka̱ 22:66 ပူးပေါင်းရင်းမြစ်များ

Ma̱te̱yo̱ 27:1

Bali nge̱rre̱t ingani, odolta alaata cik olli wawaco ki lo̱ddi̱ki̱re̱ do̱o̱k kar ku̱ru̱we̱t Ye̱su̱ ka̱da̱k.

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Marko 15:1

Ma bali nge̱rre̱t ingani, odolta zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki lo̱ddi̱ki̱re̱, ki de̱me̱zzo̱k wak lo̱ti̱nno̱k wak Musesi, ki lo̱ddi̱ki̱re̱ wak lo̱ki̱ko̱ ko̱ do̱o̱k zoz cinne̱ng. E̱ce̱bi̱t Ye̱su̱ kar zin koot kanycik nonno Pilato ddi̱ki̱ryo̱i̱t ci gaala cik Romi.

Kaviyak wak Abunna Ta̱mu̱ta̱dde̱no̱ eher Joni 18:28

I̱nya̱ma̱ni̱t zin ol cik e̱e̱ggi̱n Ya̱u̱d Ye̱su̱ ce̱e̱ze̱ ci Kaipasi o̱o̱tte̱ ngati ddi̱ki̱ryo̱i̱t ci gaala cik Romi. Aala da̱ looci, kar zin ol cik e̱e̱ggi̱n Ya̱u̱d iróng orong ku̱tu̱lle̱t e̱le̱tti̱ ngati i̱zo̱we̱ orog ci e̱e̱t neci. Orong da̱ nege kar kadait I̱i̱te̱n wa Va̱rda̱ngi̱nto̱.

Buk wa To̱ni̱a̱u̱ 22:5

a̱du̱wa̱kku̱ng wo̱ye̱ alaani ci a̱ddi̱ki̱re̱ wawaco ki lo̱ddi̱ki̱re̱ cik lo̱ki̱ko̱ do̱o̱k zoz cinanni. Kuruba anna bu̱k waraganya cik kecebe ol ngatinne̱ng, kar kanyaha gotonogget o̱rge̱ ci een Damascus, kar anna keceb nogo kar kuwe lagama Jerusalema, kar atin kettedozik nogo lo̱ki̱ko̱.