Lu̱ka̱ 22:32 - Tennet

³² Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Lu̱ka̱ 22:32 ပူးပေါင်းရင်းမြစ်များ

Ma̱te̱yo̱ 18:3

Kar kize ne, “Ka̱du̱wa̱kku̱ng zoz ci een de̱de̱, abunna ming ungneku mu̱nye̱n cuggo̱k lo̱o̱c, kar u̱tu̱gu̱z ki i̱yo̱ko̱ dooli cikidik ko̱, iróng atin i̱zzo̱yu̱ ba̱a̱li̱ne̱t ci ta̱mu̱-kengo.

Ma̱te̱yo̱ 26:75

A̱a̱dda̱ zin Peturu zoz bali u̱du̱wa̱ Ye̱su̱ ke̱, azi ne, “Ming ngen tuulici korok, etezinna atin i̱nna̱ annita lak i̱i̱yo̱.” Kar zin enne kuk reena, u̱tu̱lu̱ oroot.

Marko 14:72

Ataman niko ogok bo̱do̱k tuulici lak rama. A̱a̱da̱ zin Peturu zoz bali u̱du̱wa̱k Ye̱su̱ nonno ke̱, a̱nne̱k ne, “Ming ngen tuulici kogok lak rama, amikzena atin i̱nna̱ annit lak i̱i̱yo̱.” Kar zin enne ka̱vvu̱ lo̱o̱ta̱ ku̱tu̱lu̱.

Marko 16:7

Abarik oot u̱du̱kta̱k nuyak ciginnek ki Peturu zoz cu: ‘Okko enne o̱o̱we̱ cunno̱ng rok Ga̱li̱li̱. Ovvo atin niga acinnu nonno nginati, ki bali ming u̱du̱wa̱u̱ng enne i̱ge̱ta̱ ke̱.’”

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

2 Ti̱mo̱te̱yo̱ 2:18

cik utunget abarik zoz wa Ta̱mu̱ta̱dde̱no̱ een de̱de̱, i̱ti̱ktte̱ ol tu̱, kar kegerezanit tu̱we̱ne̱t cinne̱ng ngati edemzeke ol zoz ci azi ne, itingazzo abarik ol wak a̱da̱i̱to̱ daiza.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

1 Jon 2:19

Engertta ol ne̱ke̱ e̱le̱tti̱ cigge̱k, iróng nege e̱e̱ggi̱n ol cigga̱c. Ming e̱e̱ggi̱n nege ol cigga̱c de̱de̱, aavtte weda ki agita. Abarik engerttai nege ngatinna, i̱llo̱i̱ rok e̱e̱t co̱de̱ ci kaavtte bu̱k.