Lu̱ka̱ 22:22 - Tennet

²² Okko atin Ngerrti E̱e̱to̱ ki bali ming u̱du̱ya̱i̱ ke̱, abarik o̱lle̱ nonga cik e̱e̱t ci adawa nonno.”

Lu̱ka̱ 22:22 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 26:24

Eci Ngerrti E̱e̱to̱ a̱da̱i̱ atin ki bali ming u̱du̱ya̱i̱ zoz cinne Warage ci Ta̱mu̱ta̱dde̱no̱. O̱lle̱ bai atin cik e̱e̱t ci adawa Ngerrti E̱e̱to̱, agano weda ming iróng enne a̱rri̱ta̱i̱!”

Ma̱te̱yo̱ 27:5

U̱ju̱ke̱k zin Judasi o̱ro̱bi̱ya̱ lo̱o̱c Ce̱e̱ze̱ wa Ta̱mu̱ta̱dde̱no̱, kar kuk reena kuk kadal ele cinne.

Marko 14:21

A̱da̱i̱ atin enne Ngerrti E̱e̱to̱ ki bali ming e̱he̱rye̱ Warage ci Ta̱mu̱ta̱dde̱no̱ ke̱. O̱lle̱ abarik ci e̱e̱t ci adawa Ngerrti E̱e̱to̱! Abunna weda ming iróng enne a̱rri̱ta̱i̱.”

Lu̱ka̱ 22:23

A̱ka̱tte̱ zin nege i̱jji̱nne̱t e̱le̱tti̱ cigge̱k ngene orgene cinne̱ng ci atin okko ogon zoz necu.

Lu̱ka̱ 24:46

U̱du̱wa̱k enne nogo, “Icu zoz ci e̱he̱rye̱: Okko atin Ki̱ri̱sto̱ apirna kar kitinga daiza i̱i̱te̱ne̱ ci een i̱i̱yo̱,

Kaviyak wak Abunna Ta̱mu̱ta̱dde̱no̱ eher Joni 17:12

Baling ngen kaavtiya bu̱k, kebei ba̱li̱ye̱ nogo doize bali aanya ke̱. Ngen zin e̱e̱ti̱ imma ngatinne̱ng ki̱zzi̱, kize Judas do̱ bali u̱du̱ya̱i̱ kize gerza ci atin edez Ta̱mu̱ta̱dde̱n nonno, kar zoz cu kakat mo̱o̱le̱t Warage ci Ta̱mu̱ta̱dde̱no̱.

Buk wa To̱ni̱a̱u̱ 10:42

A̱du̱wa̱kke̱t agit Ta̱mu̱ta̱dde̱n kar kuwakteya ol ju̱rru̱m zoz ci een Ye̱su̱ Alaan ci etted zoz ci ol cik a̱da̱i̱to̱ ki ol wak ngen aruge.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

1 Peturu 1:11

Aave Vongizi ci Ki̱ri̱sto̱ ngatinne̱ng, oobek nogo gool ci atin apirnane Ki̱ri̱sto̱ kar atin kaanyozik nonno nginti di̱ngdi̱nga̱nto̱ ci a̱ddi̱ki̱re̱ oroot.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.