19 Idima zin enne umune aanyik Ta̱mu̱ta̱dde̱n zany kar kubunyan, kar zin kaanyik nogo, izek ne, “Een necu ele cinanni anyonikkung i̱ge̱ta̱; u̱tu̱gu̱z gon niko kar abunna ming aadanang.”
Kar enne ku̱du̱wa̱k ol ka̱vvu̱to̱ lo̱o̱ta̱ artene. Idima enne umunet tu̱r ki u̱lu̱g ram, kar zin kicin ta̱mu̱-keng, kar zin kala Ta̱mu̱ta̱dde̱n abunna ming a̱mu̱yu̱k da̱i̱ne̱t ne̱ko̱. U̱bu̱nya̱n zin umunet ne̱ko̱ ki u̱lu̱g kizeto idice. Engerek nuyak, kar nuyaha kengertek kollen do̱o̱k.
Idima zin enne umunet turgerem ki u̱lu̱gi̱t, baling aanyik enne Ta̱mu̱ta̱dde̱n zany, u̱du̱l umunet ne̱ke̱ ki u̱lu̱gi̱t kizeto idice, kar kaanyik nuyak, engerttek zin nege ol do̱o̱k.
Kar go̱o̱le̱ necu, baling uduttet da̱i̱nte̱ idima enne uduc ci vi̱no̱, ize ne, “Een uduci necu olom wa een jor bi̱ye̱te̱ cigannik cik a̱ddu̱ta̱i̱ zo̱ze̱ cunno̱ng.
Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”
Gon ming kaanyik Ta̱mu̱ta̱dde̱n zany kaale wak kaud i̱i̱te̱ne̱ ci ka̱a̱da̱ne̱ daiz bali Ki̱ri̱sto̱, kozol naga do̱o̱k ma̱yu̱we̱ne̱t wa a̱kku̱ bi̱ye̱te̱ ciginnek. Ming kadak umune wa ka̱a̱da̱ne̱ ele cinne i̱i̱te̱ne̱ neci, kozol naga do̱o̱k ma̱yu̱we̱ne̱t wa a̱kku̱ eliye cinne.
A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.
Ogon buuwecci ci een Hagar ki bee ci een Sinai bali aanyik Ta̱mu̱ta̱dde̱n ol lo̱ti̱nno̱k ke̱, lo̱o̱ce̱ ci een zara Arabiya, i̱ya̱bzo̱ni̱k orog ci Jerusalemi, eci ol ne̱ke̱ do̱o̱k e̱e̱ggi̱n du̱cca̱k.
Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.
Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.