Lu̱ka̱ 20:36 - Tennet

³⁶ iróng zin atin nege ngen a̱da̱i̱; u̱tu̱gu̱zzo̱ nege kiwagon anjilonya. E̱e̱ggi̱n nege dooli cik Ta̱mu̱ta̱dde̱no̱, ming e̱e̱ggi̱n nege dooli cik ingazi daiza.

Lu̱ka̱ 20:36 ပူးပေါင်းရင်းမြစ်များ

Ma̱te̱yo̱ 22:30

Ming ovvo ol ingazi daiza, iróng atin ol aruce icima a̱ti̱ye̱ bo̱do̱k. Ogon atin ol ki anjilonya cik Ta̱mu̱ta̱dde̱no̱ ta̱mu̱-kenga.

Marko 12:25

Ming ovvo ol ingazi daiza, iróng e̱e̱ti̱ imma aruce, icima a̱ti̱ye̱ do̱le̱c imma; ovvo atin nege ogon kiwagon anjilonya cik Ta̱mu̱ta̱dde̱no̱ ta̱mu̱-kenga.

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

1 Ko̱ri̱nto̱ 15:26

Ommog atin enne mo̱dde̱ni̱t ci vu̱rrto̱ wa een daiz.

1 Ko̱ri̱nto̱ 15:42

Ogon zin atin niko ming ovvo e̱le̱tti̱ cigga̱c ingazi daiza kuruget. A̱da̱i̱ atin e̱le̱tti̱, imma e̱le̱tti̱ cik okko Ta̱mu̱ta̱dde̱n ingane ol daiza ko̱ aruge udut.

1 Ko̱ri̱nto̱ 15:49

Ki i̱yo̱ko̱ zin ming ka̱du̱wo̱ naga ki e̱e̱t bali eenyca Ta̱mu̱ta̱dde̱n todowai ke̱, kovvo atin naga bo̱do̱k ka̱du̱wo̱ ki e̱e̱t bali a̱kku̱ ta̱mu̱-kenga ke̱.

Vilipia 3:21

Anyak enne doiz kaale do̱o̱k, kar zin kabal kaal do̱o̱k, uhu atin enne e̱le̱tti̱ cigga̱c gerzek ko̱ ku̱tu̱gu̱ ki ele cinne ci anyak di̱ngdi̱ngo̱n ko̱.

O̱no̱zzo̱k 20:6

A̱mu̱yu̱k atin Ta̱mu̱ta̱dde̱n ol ciginnek a̱li̱le̱, ingazi daize ci o̱o̱wu̱. Okko daizi ci een vu̱rru̱t ko̱ iróng anyak komiz ngatinne̱ng, abarik ovvo atin nege e̱e̱ggi̱n olli wawaco Ta̱mu̱ta̱dde̱no̱ ki Ki̱ri̱sto̱ kar atin kabalit ki nonno lo̱o̱c e̱rki̱nya̱ i̱bbo̱ng co̱de̱ (1,000).

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”