Lu̱ka̱ 20:26 - Tennet

²⁶ Iróng zin nege ngen amuda gool ci kar ka̱gga̱mte̱ nonno zo̱ze̱ ci ozoz enne orgene ci ollu. Abarik u̱ku̱lte̱k nege nonno zo̱ze̱ ci abariz enne ko̱, kar zin kijakte li̱i̱m.

Lu̱ka̱ 20:26 ပူးပေါင်းရင်းမြစ်များ

Ma̱te̱yo̱ 22:12

I̱jji̱n zin alaani nonno, ‘Goona, i̱i̱zo̱ i̱nna̱ ngintu ku̱ ming iróng aimi ru̱u̱ma̱ni̱ cik rucentak ko̱?’ Adal zin nonno zoz, iróng ngen abarizek alaan.

Ma̱te̱yo̱ 22:22

Baling iziyyet nege zoz ci a̱du̱wa̱ Ye̱su̱ ko̱, u̱ku̱lte̱k je̱e̱n, kar zin kutungttek nonno lo̱o̱c, oot reena.

Ma̱te̱yo̱ 22:34

Imma baling a̱gga̱c Varacis ommog Ye̱su̱ ol cik een Saddocis zoza, i̱no̱ni̱t zin nege ji̱ne̱ne̱t ci ovvo nege a̱jji̱nne̱ Ye̱su̱.

Ma̱te̱yo̱ 8:10

Baling izik Ye̱su̱ zoz neci niko, u̱ku̱le̱k je̱e̱n kar kizek koole cik annu nonno ko̱ ne, “Ka̱du̱wa̱kku̱ng zoz ci een de̱de̱, ngen kumuda e̱e̱t imma ci anyak tu̱we̱ne̱t ci okkomi lo̱o̱ce̱ ci Israilo ki e̱e̱ti̱ cu.

Lu̱ka̱ 11:54

orong kar ka̱gga̱mi̱t wo̱ye̱ nonno zo̱ze̱ ci a̱du̱wa̱ enne.

Lu̱ka̱ 13:17

Baling u̱du̱wa̱ enne zoz necu, adak zin a̱li̱ya̱ni̱ ol balik adang nonno ke̱ do̱o̱k, imma ol do̱o̱k atalne gi̱i̱ye̱ ci abunna u̱tu̱gu̱ enne ko̱.

Lu̱ka̱ 20:20

Acin nege nonno oroot, kar ki̱tto̱ntta̱ volongnyok wak alaba talaben azi ne ke̱e̱ggi̱nna̱ ol cik kabunanna. Orong nege ka̱gga̱mi̱t Ye̱su̱ zo̱ze̱ ci ozoz enne kar kaanycik nonno ddi̱ki̱ryo̱i̱t ci gaalau.

Roma 3:19

Ka̱gga̱yya̱ e̱he̱rye̱ lo̱ti̱nno̱wa̱ kar kozozik ol wak elemi ku̱zu̱tte̱. Kar ming ovvo lo̱ti̱nno̱wa̱ ettedik olli Ya̱u̱do̱ lo̱ki̱ko̱, ettedik atin Ta̱mu̱ta̱dde̱n ol do̱o̱k lo̱ki̱ko̱. I̱llo̱i̱ e̱e̱t co̱de̱ ṯok ci aliti.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.