Lu̱ka̱ 20:17 - Tennet

¹⁷ Egelem zin Ye̱su̱ nogo kar ki̱jji̱nno̱, “Azi zin keng ci zoz ci e̱he̱rye̱ Warage ci Ta̱mu̱ta̱dde̱no̱ ko̱ ne nya? “‘Okko bee bali abure ol wak eenyce ko̱ ize bee ci abilne ce̱e̱z kommog veelek.’

Lu̱ka̱ 20:17 ပူးပေါင်းရင်းမြစ်များ

Ma̱te̱yo̱ 21:42

I̱jji̱n zin Ye̱su̱ nogo, “Ngen niga ikebit zoz necu Warage ci Ta̱mu̱ta̱dde̱no̱? Azi ne, “‘Okko bee bali abure ol wak eenyce ko̱ ize bee ci abilne ce̱e̱z kommog veelek. U̱tu̱gu̱ Manyi zoz necu, a̱zi̱ze̱ oroot ming kacin naga eberene.’

Marko 10:23

Edev zin Ye̱su̱ lo̱o̱c kar zin kizek nuyak waginnek ko̱ ne, “Okkomi kak ngati e̱e̱t ci een jaitot kar ki̱tto̱ ba̱a̱li̱ne̱t ci Ta̱mu̱ta̱dde̱no̱!”

Marko 12:10

Ngen i̱i̱te̱n imma niga ikebit zoz cu Warage ci Ta̱mu̱ta̱dde̱no̱ wa azi ne: “‘Okko bee bali abure ol wak eenyce ko̱ ize bee ci abilne ce̱e̱z kommog veelek;

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Lu̱ka̱ 19:41

Baling ojongoz Ye̱su̱ Jerusalem kar kicin orog neci a̱ddi̱ki̱re̱ ke̱, kar zin u̱tu̱lu̱we̱k.

Lu̱ka̱ 22:37

E̱he̱rye̱ Warage ci Ta̱mu̱ta̱dde̱no̱, ‘I̱ti̱gi̱lte̱k ol nonno ki olli mu̱nye̱nu̱.’ Ka̱du̱wa̱kku̱ng anna i̱ge̱ta̱ ogone atin kaala ne̱ko̱ ngatinanni. De̱de̱ zoz ci e̱he̱rye̱ zo̱ze̱ cinanni ki̱ki̱ya̱ zin akat mo̱o̱le̱t.”

Lu̱ka̱ 22:61

Utuhuwe zin Manyi Ye̱su̱ kar kegelem Peturu. A̱a̱da̱ zin Peturu zoz bali Manyi ozozek nonno ke̱: “Ming ngen tuulici kogok wazin necu, amikzena atin i̱nna̱ annit lak i̱i̱yo̱.”

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Kaviyak wak Abunna Ta̱mu̱ta̱dde̱no̱ eher Joni 15:25

Ogone zoz necu kar zoz bali e̱he̱rye̱ lo̱ti̱nno̱we̱ ke̱ kakat mo̱o̱le̱t: ‘Amartoya nege annit gaganiko.’

Buk wa To̱ni̱a̱u̱ 4:11

Een enne “‘Bee bali utuburtu niga ol wak eenyce ke̱ ize bee ci abilne ce̱e̱z kommog veelek.’

Evesos 2:20

Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.

1 Peturu 2:6

Ki ming a̱du̱wa̱ Ta̱mu̱ta̱dde̱n Warage cinne: “Icinnet, karike anna bee ci riili oroot nginti een Zion, een bee ci atahalai kar kize ci abilne ce̱e̱z, imma e̱e̱ti̱ ci a̱tu̱ nonno iróng atin adak a̱li̱ya̱ni̱.”