Lu̱ka̱ 19:19 - Tennet

¹⁹ “Iizek zin alaani nonno ne, ‘U̱tu̱gu̱ i̱nna̱ bo̱do̱k gi̱i̱ ci abunna oroot. I̱yo̱ko̱ zin ize i̱nna̱ ddi̱ki̱ryo̱i̱t ci o̱ro̱gjo̱k tu̱r.’

Lu̱ka̱ 19:19 ပူးပေါင်းရင်းမြစ်များ

Lu̱ka̱ 19:18

“I̱ki̱ya̱k zin bo̱do̱k du̱ca̱i̱ti̱ imma alaan kar kize ne, ‘Alaan, i̱ti̱rre̱t o̱ro̱bi̱ya̱na̱ balik aanya i̱nna̱ annita ke̱ lak tu̱r.’

Lu̱ka̱ 19:20

“I̱ki̱ya̱ zin bo̱do̱k du̱ca̱i̱ti̱ wa vu̱rrto̱, anyaha o̱ro̱bi̱ya̱ balik aanyik alaani nonno ke̱ niko, kar kize ne, ‘Alaan, kuzute anna o̱ro̱bi̱ya̱ ne̱ko̱ ka̱vvu̱to̱ ru̱u̱me̱ cu.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

1 Ko̱ri̱nto̱ 3:8

Riil li̱ngli̱ngo̱ni̱ ci e̱e̱t ci arir ma̱na̱ ko̱ ki ci e̱e̱t ci a̱ddu̱te̱k maam ma̱na̱ ko̱, a̱ru̱wo̱ni̱k atin ngenngene kaal cik li̱ngli̱ngo̱n cinne.

2 Ko̱ri̱nto̱ 9:6

A̱a̱dda̱ zoz cu: Ming eev e̱e̱ti̱ ma̱na̱ cidici, okko etteda atin labi cikidik, ma̱i̱je̱ e̱e̱ti̱ ci eev ma̱na̱ ci a̱ddi̱ki̱re̱, etteda atin labi cik meelek.

2 Jon 1:8

U̱zu̱tte̱ li̱ngli̱ngo̱n bali a̱li̱ngli̱ngnyu̱ niga ke̱. Ming u̱zu̱ttu̱, kar abunna atin a̱ma̱yu̱kku̱ng Ta̱mu̱ta̱dde̱n kar ka̱a̱nyu̱ng kaal cik orong enne ka̱a̱nyu̱ng i̱ge̱ta̱.