Lu̱ka̱ 18:43 - Tennet

⁴³ Ataman niko, icinte zin ebere ciginnek lak co̱de̱ niko, kar zin enne kunu Ye̱su̱, innat Ta̱mu̱ta̱dde̱n. Baling icinnet ol do̱o̱k nonno, innatit zin nege bu̱k Ta̱mu̱ta̱dde̱n.

Lu̱ka̱ 18:43 ပူးပေါင်းရင်းမြစ်များ

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 21:14

I̱vi̱tta̱k zin ol cik ru̱be̱ni̱k ki cik ngooltik Ye̱su̱, kar zin enne Ye̱su̱ kangaru nogo Ce̱e̱ze̱ wa Ta̱mu̱ta̱dde̱no̱ ecito.

Ma̱te̱yo̱ 9:8

Baling icinnet koole zoz necu, u̱ku̱lte̱k je̱e̱n, kar zin kinnatit Ta̱mu̱ta̱dde̱n eci anyike Ta̱mu̱ta̱dde̱n ol komiz.

Lu̱ka̱ 13:17

Baling u̱du̱wa̱ enne zoz necu, adak zin a̱li̱ya̱ni̱ ol balik adang nonno ke̱ do̱o̱k, imma ol do̱o̱k atalne gi̱i̱ye̱ ci abunna u̱tu̱gu̱ enne ko̱.

Lu̱ka̱ 19:37

Baling okko Ye̱su̱ ojongoz gool ci aluce okko Biye ci I̱ngi̱ro̱u̱ lo̱o̱ta̱, a̱ka̱tte̱ zin nuyaha cik meelek inatit Ta̱mu̱ta̱dde̱n muluwanine cik a̱ppi̱nte̱k eci enne u̱tu̱gu̱ kaal cik a̱vu̱la̱ balik icinnet nege ke̱, azi ne,

Lu̱ka̱ 4:39

U̱lu̱le̱ zin enne ngatinne kar kottok a̱bu̱re̱z neci, kar morizi kutungek nonno lo̱o̱c. Itinga zin enne lak co̱de̱ ere nogo.

Lu̱ka̱ 5:26

U̱ku̱lte̱k zin ol do̱o̱k je̱e̱n kar zin kinnatit Ta̱mu̱ta̱dde̱n. A̱bba̱ri̱te̱t da̱ nege oroot kar kizeto ne, “Kicinnta kaal cik i̱i̱na̱k zi̱nze̱tti̱ cigga̱c wazin necu.”

Lu̱ka̱ 9:43

Kar nege do̱o̱k ku̱ku̱lte̱k komiz ci Ta̱mu̱ta̱dde̱no̱. Baling a̱ma̱li̱ltte̱ ol o̱o̱tti̱ do̱o̱k zo̱ze̱ ci ogon Ye̱su̱ ko̱, izek zin enne nuyak ciginnek ne,

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Buk wa To̱ni̱a̱u̱ 4:21

Ma baling u̱cu̱be̱t nege nogo oroot kar zin kaanycik nogo koot. Iróng nege odola kar ke̱de̱zi̱t nogo, eci ol do̱o̱k innat Ta̱mu̱ta̱dde̱n zo̱ze̱ bali u̱tu̱gu̱zzo̱ nege ke̱.

Ga̱la̱ti̱a̱ 1:24

Innatit zin nege Ta̱mu̱ta̱dde̱n zo̱ze̱ cinanni.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.