Lu̱ka̱ 18:32 - Tennet

³² A̱gga̱me̱k atin ol nonno ol cik iróng e̱e̱ggi̱n Ya̱u̱d. Aminye atin nege nonno, odom nonno, uurtek nonno amut, kar ku̱ru̱we̱t nonno ka̱da̱k.

Lu̱ka̱ 18:32 ပူးပေါင်းရင်းမြစ်များ

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Ma̱te̱yo̱ 20:19

Kar zin nege ka̱gga̱mte̱ya̱ annit ol wak iróng een Ya̱u̱d, kar atin nege komomoztan, bak a̱ru̱ka̱ kar zin kotodoyya keet ci een ta̱la̱ke̱c. Imma i̱i̱nya̱we̱ cik een i̱i̱yo̱ kingazi atin anna daiza dee!”

Ma̱te̱yo̱ 22:6

A̱gga̱mi̱t zin ol ne̱ke̱ uggak du̱cca̱k kar kodomit nogo bak a̱ru̱k ka̱da̱i̱to̱.

Ma̱te̱yo̱ 26:67

Uturttek zin nege Ye̱su̱ amut ebere, kar ku̱lu̱ma̱nni̱t nonno. Kar bo̱do̱k uggak kapannit nonno dee,

Ma̱te̱yo̱ 27:2

E̱ce̱bi̱t zin nege Ye̱su̱ kar ko̱o̱tte̱ ngati Pilato ddi̱ki̱ryo̱i̱t ci gaala cik Romi.

Marko 14:65

Kar zin ol uggak ka̱ka̱te̱ kuturtek nonno amut, e̱ce̱bi̱t ebere ciginnek kar ku̱ru̱we̱t co̱o̱li̱te̱, kar kizettek ne, “Du̱wa̱ da̱ ngene ci a̱ru̱ki̱n!” Kar ol cik ebekce ko̱o̱tte̱ nonno kar ku̱ru̱we̱t.

Marko 15:1

Ma bali nge̱rre̱t ingani, odolta zin alaata cik olli wawaco Ce̱e̱ze̱ wa Ta̱mu̱ta̱dde̱no̱ ki lo̱ddi̱ki̱re̱, ki de̱me̱zzo̱k wak lo̱ti̱nno̱k wak Musesi, ki lo̱ddi̱ki̱re̱ wak lo̱ki̱ko̱ ko̱ do̱o̱k zoz cinne̱ng. E̱ce̱bi̱t Ye̱su̱ kar zin koot kanycik nonno Pilato ddi̱ki̱ryo̱i̱t ci gaala cik Romi.

Lu̱ka̱ 18:33

Imma i̱i̱nya̱we̱ cik een i̱i̱yo̱ ingazi atin enne daiza bo̱do̱k.”

Lu̱ka̱ 23:1

Itingazzo zin zu̱we̱ do̱o̱k kar ko̱o̱tte̱ Ye̱su̱ rok Pilato ddi̱ki̱ryo̱i̱t ci gaala cik Romi.

Lu̱ka̱ 23:11

Kar He̱ro̱di̱ ki aciir ciginnek kadacit Ye̱su̱ kar katararte nonno. Uburuccek zin nonno ru̱u̱m ci alaano ataltali, kar ki̱tto̱nni̱t nonno ki̱mi̱re̱ kuk ngati Pilato.

Lu̱ka̱ 23:35

Abile ol acine kar lo̱ddi̱ki̱re̱ kadacit nonno. Azi nege ne, “Eela enne ol u̱gge̱; anyik nonno keela ele cinne ming een enne de̱de̱ Ki̱ri̱sto̱ ci Ta̱mu̱ta̱dde̱no̱, wa bali atahalai.”

Kaviyak wak Abunna Ta̱mu̱ta̱dde̱no̱ eher Joni 18:22

Baling u̱du̱wa̱ Ye̱su̱ zoz necu, apan e̱e̱ti̱ imma ci ojongzo ki Ye̱su̱ nonno ngu̱m eliya, kar zin ku̱cu̱b kizek ne, “Gool ci ozozike i̱nna̱ alaan ci a̱ddi̱ki̱re̱ wawaco necu?”

Kaviyak wak Abunna Ta̱mu̱ta̱dde̱no̱ eher Joni 18:28

I̱nya̱ma̱ni̱t zin ol cik e̱e̱ggi̱n Ya̱u̱d Ye̱su̱ ce̱e̱ze̱ ci Kaipasi o̱o̱tte̱ ngati ddi̱ki̱ryo̱i̱t ci gaala cik Romi. Aala da̱ looci, kar zin ol cik e̱e̱ggi̱n Ya̱u̱d iróng orong ku̱tu̱lle̱t e̱le̱tti̱ ngati i̱zo̱we̱ orog ci e̱e̱t neci. Orong da̱ nege kar kadait I̱i̱te̱n wa Va̱rda̱ngi̱nto̱.

Kaviyak wak Abunna Ta̱mu̱ta̱dde̱no̱ eher Joni 18:30

O̱bo̱dde̱k zin nege Pilato izettek ne, “Wo̱ye̱ ette ming iróng e̱e̱ti̱ cu een mu̱ju̱l, iróng wo̱ye̱ kanyahakin.”

Kaviyak wak Abunna Ta̱mu̱ta̱dde̱no̱ eher Joni 18:32

I̱i̱na̱ zoz necu ki i̱yo̱ko̱ kar ki̱ye̱la̱i̱ zoz wa ozoze Ye̱su̱ gool ci okko enne a̱da̱kne̱.

Kaviyak wak Abunna Ta̱mu̱ta̱dde̱no̱ eher Joni 18:35

O̱bo̱de̱k zin Pilato nonno, izek ne, “Iróng anna ke̱e̱ni̱ Ya̱u̱de̱ni̱t? Ol wagunnek e̱le̱tti̱ ki alaat cik olli wawaco cik anyahanni i̱nne̱t rok annita. Abacu ette i̱nna̱ zoz ci azi ne?”

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.