Lu̱ka̱ 18:23 - Tennet

²³ Baling izik enne zoz necu, utubur enne nong oroot, eci enne een i̱to̱i̱t oroot.

Lu̱ka̱ 18:23 ပူးပေါင်းရင်းမြစ်များ

Ma̱te̱yo̱ 19:22

Baling izik lo̱gu̱t neci zoz ci a̱du̱wa̱ Ye̱su̱ ko̱, etteda zinin, kar odotek zin enne Ye̱su̱ lo̱o̱c, eci enne anyak kaal cik meelek, een enne bo̱to̱ro̱c oroot.

Marko 10:22

Baling izik e̱e̱ti̱ neci zoz necu, angarunyan ngu̱m. Uk zin etteda gool cinne, eci enne anyak kaal cik meelek.

Lu̱ka̱ 12:15

Kar enne kizek nogo ne, “Icinnet ju̱rru̱m! U̱zu̱tte̱ e̱le̱tti̱ ciggo̱k kar abunna iróng niga anyakku zi̱nze̱tti̱ cik a̱ppi̱nte̱k; riil rugeti ci e̱e̱t ci diiri kommog kaal cik meelek.”

Lu̱ka̱ 18:22

Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 18:24

Egelem zin Ye̱su̱ nonno kar kize ne, “Okkomi kak ngati e̱e̱t ci een i̱to̱i̱t kar ki̱tto̱ ba̱a̱li̱ne̱t ci Ta̱mu̱ta̱dde̱no̱!

Lu̱ka̱ 19:8

Ma̱i̱je̱ Zakayosi itinga je̱e̱na̱ kar kizek Manyi ne, “Cinno, Manyi, kengeri atin anna kaal cigannik gegera kar kanyik ol wak amati, kar ming ku̱lu̱ta̱ da̱ ba̱li̱ye̱ e̱e̱t imma gi̱i̱ye̱ emani, ka̱ru̱i̱ atin anna o̱ro̱bi̱ya̱ ne̱ke̱ lak we̱c.”

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

Lu̱ka̱ 8:14

Imma i̱nyo̱mo̱na̱ ne̱k i̱i̱na̱k biila ko̱, atubo ki ol wak aziye zoz ci Ta̱mu̱ta̱dde̱no̱ kar ming ovvo nege ovvo gool cinne̱ng, adal nogo no̱ngi̱tto̱na̱ cik baizo, i̱tto̱kze̱t ki zoz ci adahe ol botorzet, iróng nege ngen anyaha o̱ya̱u̱ cik abunna.

Evesos 5:5

Abunna ming a̱gga̱yyu̱ zoz ci een de̱de̱ icu, ming een e̱e̱ti̱ a̱li̱ya̱i̱t, icima a̱ppwa̱ zinin, iróng enne anyak ngin imma ba̱a̱li̱nte̱ ci Ki̱ri̱sto̱ ki ci Ta̱mu̱ta̱dde̱no̱. Ma zinin ci a̱ppwe̱ atubo ki e̱e̱t ci a̱di̱ngdi̱nga̱n to̱do̱yyo̱k cik orong zinin cinne kommog Ta̱mu̱ta̱dde̱n.

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

1 Jon 2:15

Ma irezzu zoz ci lo̱o̱tu̱ ki kaal ciginnek veelek. Imma e̱e̱ti̱ ci irez kaal cik lo̱o̱tu̱, iróng enne irez Be̱e̱ti̱nna̱ wa een Ta̱mu̱ta̱dde̱n.