Lu̱ka̱ 18:22 - Tennet

²² Baling izik Ye̱su̱ zoz necu, izek enne nonno ne, “Ngen gi̱i̱ co̱de̱ akilane ngatunne. Tuwek kaal cik anyai i̱nna̱ do̱o̱k kar anyik o̱ro̱bi̱ya̱ ol cik amati, kar atin i̱nna̱ nyak de̱he̱r ta̱mu̱-kenga, kar zin i̱jja̱, nuwan.”

Lu̱ka̱ 18:22 ပူးပေါင်းရင်းမြစ်များ

Ma̱te̱yo̱ 19:21

Abariz zin Ye̱su̱, “Ming orongi i̱nna̱ ize e̱e̱t ci iróng anyai mu̱nye̱n, bit tuwoyi i̱jjo̱ cigunnek do̱o̱k, kar anyik o̱ro̱bi̱ya̱ ol cik amati, kar zin kaala cigunnek kadazze ta̱mu̱-kenga. Kar i̱jja̱ zin nuwan.”

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Lu̱ka̱ 12:33

U̱tu̱yye̱k kaal cik anyakku niga ko̱, kar anycik o̱ro̱bi̱ya̱ ol cik amati. Idimantek e̱le̱tti̱ cuggo̱k de̱he̱rwa̱ cik iróng egerzanne, eezet ci aave ta̱mu̱-kenga ci iróng atin edeccai, nginti iróng anyak ogoryak cik a̱vvu̱ ojonun kar bo̱do̱k i̱llo̱i̱ ngazengaze cik egerzanni.

Lu̱ka̱ 16:9

Ka̱du̱wa̱kku̱ng anna i̱ge̱ta̱, i̱li̱ngli̱ngte̱ i̱to̱kze̱t ci lo̱o̱tu̱ abunna ming amudannu gonogget, ming okko i̱to̱kze̱t neci edeccai, kar atin ol kelemtaung i̱ge̱ta̱ baize ci abakku udut.

Lu̱ka̱ 18:21

Kar zin e̱e̱ti̱ ci een i̱to̱i̱t kize ne, “Kazunne anna lo̱ti̱nno̱k ne̱ko̱ baling ngen anna ke̱e̱ni̱ idica rok i̱yo̱ko̱.”

Lu̱ka̱ 18:23

Baling izik enne zoz necu, utubur enne nong oroot, eci enne een i̱to̱i̱t oroot.

Lu̱ka̱ 9:23

Izek zin enne nogo do̱o̱k ne: “Ming orong e̱e̱ti̱ imma kunuwan, anyik kimigzoi ele cinne kar kodong ta̱la̱ke̱c cinne odohize kar kunuwan.

Vilipia 3:13

Gotonogga ki ngonogga tu̱we̱nta̱, iróng anna kazi ne, kuzuca anna ruget. Abarik iróng ngen ka̱gga̱ kaal balik vu̱rrta̱k ke̱, kapirna zo̱ze̱ ci kaal cik aavtte oowa.

2 Peturu 3:8

Gotonogga ki ngonogga tu̱we̱nta̱, ma anyikku gi̱i̱ co̱de̱ kereheung, ogon i̱i̱te̱ni̱ co̱de̱ ngati Manyi ki e̱rki̱nya̱ i̱bbo̱ng co̱de̱ (1,000), ovvo e̱rki̱nya̱ cik een i̱bbo̱ng co̱de̱ ogon ki i̱i̱te̱ni̱ co̱de̱.