Lu̱ka̱ 18:19 - Tennet

¹⁹ O̱bo̱de̱k zin Ye̱su̱, “Nya ming awuya azi ne, de̱me̱zo̱i̱t ci abunna ko̱? I̱llo̱i̱ e̱e̱t imma ci abunna, Ta̱mu̱ta̱dde̱n do̱ niko ci abunna.

Lu̱ka̱ 18:19 ပူးပေါင်းရင်းမြစ်များ

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Lu̱ka̱ 11:13

Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”

Lu̱ka̱ 18:18

I̱jji̱n zin alaani imma nonno, “De̱me̱zo̱i̱t ci abunna ko̱, ku̱tu̱gu̱ anna nya kar kumuda baiz wa aave udut?”

Lu̱ka̱ 18:20

A̱gga̱ i̱nna̱ lo̱ti̱nno̱k ciko: ‘Ma orootonu ki ngaai cik ollu, ma amunyi e̱e̱t ci diiri, ma ogorze, ma a̱du̱wa̱ zoz ngati ovolonge e̱e̱t imma, to̱ngo̱o̱lle̱ yaatunne ki baatunne.’”

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.