Lu̱ka̱ 18:13 - Tennet

¹³ “Ma̱i̱je̱ e̱e̱ti̱ wa aluta mucuru olle ko̱, ibil reena. Iróng enne bu̱k acin ta̱mu̱-keng, abarik akati culum kar kize ne, ‘Ta̱mu̱ta̱dde̱n, inya annit deten, e̱e̱t ci mu̱nye̱nu̱.’

Lu̱ka̱ 18:13 ပူးပေါင်းရင်းမြစ်များ

Ma̱te̱yo̱ 10:3

ki Vilip, ki Bartolomeyo, ki Tomas, ki Ma̱te̱yo̱ wa aluta mucuru olle, ki Je̱mi̱s ngerrti Alipeyo ki Taudesio,

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Ma̱te̱yo̱ 9:13

Abarik oto kar a̱gga̱c ungec ci zoz neci ju̱rru̱m: ‘Korongi anna deten, iróng een wawac.’ Iróng anna ka̱kku̱ni̱ kar ki̱ki̱ya̱k ol cik abunna, abarik ka̱kku̱na̱k ol wak mu̱nye̱nu̱.”

Marko 11:25

Ming okko i̱nna̱ lawinet Ta̱mu̱ta̱dde̱n, kar bo̱do̱k ngatu anyahonu dango da̱ ki e̱e̱t imma, abunna ming alalneke nonno mu̱nye̱n ciginnek arrak, kar Baatunne wa aave ta̱mu̱-kenga kalalei i̱nne̱t mu̱nye̱n bu̱k.”

Lu̱ka̱ 17:12

Baling okko enne o̱rge̱ emani, i̱vi̱ta̱ zin ol cik een omoto anyak dhovo u̱ru̱mto̱ ki nonno. Ibilet zin nege reena

Lu̱ka̱ 22:41

Izak enne uk reena ngatinne̱ng idic, akatek u̱zu̱ngti̱nne̱ kar kalawo kize ne,

Lu̱ka̱ 23:48

Baling icinnet ol balik alute ke̱ kaal cik ogone, a̱gga̱mi̱t o̱o̱tti̱ li̱i̱m kar koot.

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Buk wa To̱ni̱a̱u̱ 2:37

Ma baling iziyyet ol do̱o̱k zoz necu, o̱to̱ngo̱o̱ltte̱ lo̱o̱c, kar zin izektek Peturu ki to̱ni̱a̱k u̱gge̱ ne, “Gotonogget, kar zin ucca ku̱tu̱gu̱zza̱ nya?”

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

2 Ko̱ri̱nto̱ 7:11

Icinnet gi̱i̱ ci u̱tu̱gu̱ Ta̱mu̱ta̱dde̱n ngati a̱a̱nyu̱ng matiz! Orongnyu niga i̱ye̱lte̱k nonno iróng niga anyakku ba̱ci̱. Omozinnu abarik niga, a̱ma̱li̱ltte̱ o̱o̱tti̱ cuggo̱k, orongnyu niga lo̱ki̱ko̱ kettede ju̱rru̱m. I̱ye̱la̱nu̱ niga e̱le̱tti̱ cuggo̱k ilemnyyu niga zo̱ze̱ necu.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

I̱bu̱ru̱ 8:12

Kalalnek atin anna nogo kaale balik gerzek ogon ke̱, iróng bo̱do̱k anna ka̱a̱da̱ ba̱ci̱nno̱k ne̱ke̱ udut.”