Lu̱ka̱ 17:30 - Tennet

³⁰ “Ogon zin atin looci bu̱k niko i̱i̱te̱ne̱ ci okko Ngerrti E̱e̱to̱ i̱ye̱la̱i̱.

Lu̱ka̱ 17:30 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 24:3

Imma bali vu̱rrta̱, a̱vvu̱ Ye̱su̱ lo̱o̱ta̱ Biye ci I̱ngi̱ro̱u̱. I̱vi̱tta̱k zin nuyaha ciginnek nonno do̱ kar ki̱jji̱nne̱t, a̱nne̱k ne, “Akane atin zoz ci ozozi i̱nna̱ ko̱ atinga? Ming okko i̱nna̱ obodak lo̱o̱c, nya ci a̱kku̱ oowa kar ki̱ye̱la̱ ṯurnenet ci lo̱o̱tu̱?”

Ma̱te̱yo̱ 24:37

Ming okko Ngerrti E̱e̱to̱ obodak lo̱o̱c, ogon atin ki i̱i̱te̱ni̱ bali a̱ti̱ye̱ tawani ol e̱rki̱te̱ bali ngen a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Nowa ke̱ aruge.

Ma̱te̱yo̱ 24:39

Iróng ol ba̱li̱ye̱ a̱gga̱ gi̱i̱ ci atin a̱kku̱, bak a̱kku̱ tawani ki̱ki̱ya̱ ki̱ti̱k nogo do̱o̱k. Ogon atin zin bo̱do̱k niko ming okko Ngerrti E̱e̱to̱ a̱kku̱nna̱k lo̱o̱c.

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Marko 13:26

“Kar zin i̱i̱te̱n neci acin atin ol Ngerrti E̱e̱to̱ ming a̱kku̱ di̱i̱zo̱ca̱ komize ci a̱ddi̱ki̱re̱ ki di̱ngdi̱ngo̱n.

Lu̱ka̱ 17:24

Eci Ngerrti E̱e̱to̱ i̱i̱te̱ne̱ cinne ogon atin enne kiwagon borowoci, ci abadi katalany ta̱mu̱-kenga do̱o̱k.

Lu̱ka̱ 17:29

Ma̱i̱je̱ i̱i̱te̱ne̱ bali ungnek Loti orog ci een Sodom lo̱o̱c, kar ki̱ta̱k gwa̱a̱ ki gi̱i̱ ci aanyik gwo̱o̱ katalany oroot ci a̱kku̱ meer ta̱mu̱-kenga rok lo̱o̱c kar kidita nogo do̱o̱k.

Lu̱ka̱ 21:22

Eci e̱e̱ggi̱n ne̱ko̱ i̱i̱nya̱ cik edeze Ta̱mu̱ta̱dde̱n ol zo̱ze̱ bali e̱he̱rye̱ la̱du̱n.

Lu̱ka̱ 21:27

Imma i̱i̱te̱ne̱ neci ovvo atin nege acin Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

1 Ko̱ri̱nto̱ 1:7

I̱yo̱ko̱ zin, i̱llo̱i̱ ma̱yu̱we̱ne̱t imma ci iróng niga anyakku ngati e̱re̱yyu̱ niga de̱de̱ Manyi Ye̱su̱ Ki̱ri̱sto̱ kar kobodak lo̱o̱c.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

Kolosiya 3:4

Ming okko Ki̱ri̱sto̱ wa een baiz cunno̱ng ko̱ i̱ye̱la̱ ele cinne, ovvo niga bu̱k i̱ye̱la̱nu̱ e̱le̱tti̱ cuggo̱k ki nonno ngati di̱ngdi̱ngo̱n cinne.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

1 Jon 2:28

Dooli wagannik tu̱we̱nta̱, urumet zi̱nze̱tti̱ ciggo̱k nga̱to̱de̱ ki Ki̱ri̱sto̱. Kar ming okko enne obodak lo̱o̱c, karike naga nonno zi̱nze̱tti̱ de̱de̱, iróng atin a̱li̱ya̱ni̱ adaketa.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.