Lu̱ka̱ 17:21 - Tennet

²¹ icima ovvo atin ol azi ne, ‘Icu ba̱a̱li̱ne̱t ci Ta̱mu̱ta̱dde̱no̱,’ eci ba̱a̱li̱ne̱t ci Ta̱mu̱ta̱dde̱no̱ aave ngatinno̱ng.”

Lu̱ka̱ 17:21 ပူးပေါင်းရင်းမြစ်များ

Ma̱te̱yo̱ 12:28

Imma, ming kottoi anna kuulo cik lo̱rye̱nta̱k Vongize ci Ta̱mu̱ta̱dde̱no̱, i̱ki̱ya̱u̱ng zin ba̱a̱li̱ne̱t ci Ta̱mu̱ta̱dde̱no̱ i̱ge̱ta̱.

Marko 13:21

Imma i̱i̱te̱ne̱ neci ming a̱nne̱ki̱ e̱e̱ti̱ co̱de̱ ne, ‘Cinno, aave Ki̱ri̱sto̱ ngatu!’ icima, ‘Cinno, aave Ki̱ri̱sto̱ ngati!’ Ma elemi zoz neci.

Lu̱ka̱ 17:23

A̱du̱wa̱kku̱ng atin ol, ‘Nonno ici, icima nonno ngatu.’ Ma niga a̱vi̱ryu̱ vu̱rrte̱ zoz cinne̱ng.

Lu̱ka̱ 21:8

O̱bo̱de̱k zin enne nogo, “Icinnet ju̱rru̱m, gerza ming alabanung e̱e̱ti̱ imma. Eci a̱vvu̱ atin ol cik meelek zare cigannik, a̱du̱wa̱kku̱ng wo̱ye̱ e̱e̱ti̱ imma, azi ne, ‘Ke̱e̱ni̱ anna nonno,’ ki, ‘Ize ojon i̱i̱te̱ni̱.’ Ma annuyyu zoz cinne̱ng.

Kaviyak wak Abunna Ta̱mu̱ta̱dde̱no̱ eher Joni 1:26

O̱bo̱de̱k zin Joni nogo, “Ka̱gga̱me̱k anna ol ba̱ti̱ti̱mo̱ maame, ma̱i̱je̱ zin orgene cunno̱ng, anyak e̱e̱t imma ci abile ci iróng niga a̱gga̱yyu̱.

Kaviyak wak Abunna Ta̱mu̱ta̱dde̱no̱ eher Joni 18:36

Izek zin Ye̱su̱ Pilato ne, “Iróng alaanzet cinanni een ci lo̱o̱c cu, wo̱ye̱ ette ming kize anna alaan ci lo̱o̱tu̱, oorto wo̱ye̱ ette du̱cca̱ha̱ cigannik ki ol balik e̱e̱ggi̱n Ya̱u̱d a̱gga̱mnya̱ annit ke̱. Imma zin i̱yo̱ko̱ iróng alaanzet cinanni een ci lo̱o̱c cu.”

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Kolosiya 1:27

Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.