Lu̱ka̱ 17:16 - Tennet

¹⁶ U̱ju̱ke̱k zin enne ele cinne zo̱o̱ cik Ye̱su̱ kar kaanyik nonno zany, een enne e̱e̱t ci Samariyo.

Lu̱ka̱ 17:16 ပူးပေါင်းရင်းမြစ်များ

Kananet 17:3

Atangu zin Aburami kicin ngu̱m cinne lo̱o̱c, kar Ta̱mu̱ta̱dde̱n kizek nonno ne,

Ma̱te̱yo̱ 10:5

I̱tto̱n Ye̱su̱ to̱ni̱a̱k waginnek een omoto ki rama ngati i̱lo̱te̱ arrak a̱nne̱k ne, “A̱vvu̱t reena olle cik iróng e̱e̱ggi̱n Ya̱u̱d. Ma ojongozu o̱ro̱gjo̱k cik olli Samariyo bu̱k.

Ma̱te̱yo̱ 2:11

I̱tto̱zzo̱ ce̱e̱z ci a̱rri̱ta̱ne̱ ol Ye̱su̱ ko̱, icinnet abarik do̱le̱c ki yaatinne Ma̱ri̱ya̱, a̱ka̱tte̱k nege u̱zu̱ngtti̱ lo̱o̱c kar ki̱di̱ngdi̱nga̱ni̱t nonno. Idimtta muci cigge̱k aanycik nonno. Adima nege dhahab ki maal ci ongooli laala ki lotagong kize muci ci anyike nege nonno.

Marko 5:33

Kar ngaa ci a̱gga̱ nya ci ogonik Manyi nonno, i̱ki̱ya̱ kar kakatek u̱zu̱ngti̱nne̱ ngati Ye̱su̱, a̱bba̱ri̱t dalanzetena, u̱du̱wa̱k zin nonno zoz ci een de̱de̱.

Lu̱ka̱ 17:17

I̱jji̱nno̱ zin Ye̱su̱, “Ngen ol do̱o̱k wak e̱e̱ggi̱n omoto kubunnta e̱le̱tti̱? I̱go̱k zin ol torkoc?

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Kaviyak wak Abunna Ta̱mu̱ta̱dde̱no̱ eher Joni 4:9

Izek zin ngaa ci Samariyo ko̱ nonno ne, “E̱e̱ni̱ i̱nna̱ e̱e̱t ci ol wak e̱e̱ggi̱n Ya̱u̱d, okko anna ke̱e̱ni̱ ngaa ci ol cik e̱e̱ggi̱n Samariya, nya ming a̱jji̱nna̱ maam cik audi ko̱?” (Ma̱rri̱t ol cik e̱e̱ggi̱n Ya̱u̱d iróng auddo maam ki ol cik e̱e̱ggi̱n Samariya).

Kaviyak wak Abunna Ta̱mu̱ta̱dde̱no̱ eher Joni 5:23

Kar zin ol do̱o̱k ko̱to̱ngo̱o̱ltte̱ Ngerinne ki i̱yo̱ko̱ ming o̱ngo̱o̱le̱ nege Baba ko̱. Ming iróng e̱e̱ti̱ o̱ngo̱o̱le̱ Ngerinne, iróng o̱ngo̱o̱le̱ Baba bali i̱tto̱na̱na̱ ke̱.”

Kaviyak wak Abunna Ta̱mu̱ta̱dde̱no̱ eher Joni 8:48

Izettek zin ol cik een Ya̱u̱d ko̱ nonno ne, “Kabbacca naga ming ka̱du̱wa̱nna̱ zoz ci azi ne e̱e̱ni̱ i̱nna̱ i̱do̱nge̱ni̱t ci ol cik een Samariya, kar bo̱do̱k nyak kuuloc ci lo̱rye̱nto̱?”

Buk wa To̱ni̱a̱u̱ 1:8

Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”

1 Ko̱ri̱nto̱ 14:25

I̱ye̱le̱k atin zo̱zzo̱wa̱ ne̱ko̱ kaal cik a̱lu̱gnye̱ zinine cinne ko̱ do̱o̱k, kar atin enne kakatek u̱zu̱ngtti̱ lo̱o̱c kar ki̱di̱ngdi̱nga̱n Ta̱mu̱ta̱dde̱n kize ne, “Aave Ta̱mu̱ta̱dde̱n de̱de̱ to orgene cunno̱ng!”

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 5:14

Izeto zin kaala cik aruge e̱e̱ggi̱n we̱c ko̱ ne, “Yo, anyik ku̱tu̱gu̱ niko.” Kar zin lo̱ddi̱ki̱re̱ kakatek u̱zu̱ngti̱nne̱ ki̱di̱ngdi̱nga̱ni̱t Ta̱mu̱ta̱dde̱n.